കുവൈത്ത് സിറ്റി: കുവൈത്തിലെ സബാഹ് ഹെൽത്ത് ഡിസ്ട്രിക്റ്റിൽ മൂന്ന് ബംഗ്ലാദേശ് സ്വദേശികളെ വാഹനം ഇടിച്ചുകയറ്റി കൊലപ്പെടുത്താൻ ശ്രമിച്ച സംഭവത്തിൽ കുവൈത്ത് പൗരനെ ആഭ്യന്തര മന്ത്രാലയം അറസ്റ്റ് ചെയ്തു. ആശുപത്രിക്ക് സമീപം നടന്ന ദാരുണമായ ആക്രമണത്തിൽ ഒരാൾ തൽക്ഷണം മരിക്കുകയും മറ്റ് രണ്ട് പേർക്ക് ഗുരുതരമായി പരുക്കേൽക്കുകയും ചെയ്തു.

ALSO READ: തൊഴിലാളികൾക്ക് ആശ്വാസം; പരാതി പരിഹാരത്തിന് കുവൈത്തിൽ പുതിയ സ്മാർട്ട് സംവിധാനം 

പ്രതി ബോധപൂർവ്വം ഇവർക്ക് നേരെ വാഹനം ഇടിച്ചുകയറ്റുകയായിരുന്നുവെന്ന് പ്രാഥമിക അന്വേഷണത്തിൽ വ്യക്തമായി. പിടിയിലായ കുവൈത്ത് പൗരന് ഗുരുതരമായ മാനസിക പ്രശ്നങ്ങളുണ്ടെന്ന് അന്വേഷണ ഉദ്യോഗസ്ഥർ കണ്ടെത്തി. പബ്ലിക് പ്രോസിക്യൂഷന് മുന്നിൽ ഹാജരാക്കിയ പ്രതിക്കെതിരെ മുൻകൂട്ടി ആസൂത്രണം ചെയ്ത കൊലപാതകക്കുറ്റമാണ് (Premeditated Murder) ചുമത്തിയിരിക്കുന്നത്.

ALSO READ: കുവൈത്തിൽ ഡ്രൈവിംഗ് ടെസ്റ്റ് ഇനി എളുപ്പമാകില്ല; അന്താരാഷ്ട്ര നിലവാരത്തിലുള്ള പരിശീലന അക്കാദമികൾ സ്ഥാപിക്കും

പരുക്കേറ്റവർ നിലവിൽ തീവ്രപരിചരണ വിഭാഗത്തിൽ ചികിത്സയിലാണ്. സംഭവത്തിൽ കൂടുതൽ വ്യക്തത വരുത്തുന്നതിനായി അധികൃതർ അന്വേഷണം ഊർജിതമാക്കിയിട്ടുണ്ട്.

a tragic incident in kuwait where a vehicle rammed into expats has left one person dead. authorities confirmed the arrest of a kuwaiti national as investigations continue into the circumstances surrounding the fatal crash.