തേഞ്ഞിപ്പലം: കാലിക്കറ്റ് സര്‍വകലാശാലാ കാംപസിലെ എം.എസ്.സി ബോട്ടണി വിദ്യാര്‍ഥിനികളായ മൂന്ന് പേര്‍ക്ക് ഒന്നേകാല്‍ ലക്ഷം രൂപയുടെ സ്‌കോളര്‍ഷിപ്പ്. കെ. അശ്വതി രാജ്, പി.പി ദില്‍ന, ഹന്നത്ത് ഷഹന എന്നിവര്‍ക്കാണ് അക്കാദമിക മികവിനുള്ള പുരസ്‌കാരം. പ്രമുഖ വ്യവസായിയും പ്രവാസി മലയാളിയുമായ ഡോക്ടര്‍ പത്മശ്രീ രവി പിള്ളയുടെ നേതൃത്വത്തിലുള്ള ആര്‍.പി ഫൗണ്ടേഷന്‍ ഏര്‍പ്പെടുത്തിയ രവി പിള്ള അക്കാദമി എക്സലന്‍സ് പുരസ്‌കാരം തിരുവനന്തപുരത്ത് മുഖ്യമന്ത്രി പിണറായി വിജയന്‍ ഉദ്ഘാടനം നിര്‍വഹിച്ച ചടങ്ങില്‍ വെച്ച് ഇവര്‍ സ്വീകരിച്ചു.