കാസര്‍കോട്: കാസര്‍കോട് ആത്മഹത്യ ചെയ്ത ഇന്‍ഫ്‌ലുവന്‍സര്‍ ചിന്നു പാപ്പു എന്ന രേഷ്മയുടെ ആണ്‍സുഹൃത്തും മരിച്ച നിലയില്‍. കാസര്‍കോട് ചൗക്കി സ്വദേശിയായ സന്ദേശ് ആണ് മരിച്ചത്. വീട്ടില്‍ തൂങ്ങിമരിച്ച നിലയിലായിരുന്നു മൃതദേഹം. 

ഒരാഴ്ച്ച മുന്‍പാണ് ചിന്നുപാപ്പുവിനെ ചൗക്കി ആസാദ് നഗറിലെ വാടക ക്വാട്ടേഴ്സില്‍ തൂങ്ങിമരിച്ച നിലയില്‍ കണ്ടെത്തിയത്. ഫോണ്‍ വിളിച്ച് എടുക്കാത്തതിനെ തുടര്‍ന്ന് ആണ്‍ സുഹൃത്ത് പരിശോധിച്ചപ്പോഴാണ് തൂങ്ങിമരിച്ച നിലയില്‍ കണ്ടെത്തിയത് . പരിസരത്തുള്ളവര്‍ എത്തി ചിന്നുവിനെ ആശുപത്രി മാറ്റുകയായിരുന്നു. ആശുപത്രിയില്‍ എത്തുന്നതിന് മുമ്പ് തന്നെ മരണം സംഭവിച്ചിരുന്നു. 

ALSO READ: പിടിയിലായത് സ്വര്‍ണമാല വിഴുങ്ങിയതിന്, സ്‌കാനിങ്ങില്‍ വയറ്റില്‍ കമ്മലും; മോഷ്ടാവിനെ പിടികൂടി വെട്ടിലായി പൊലിസ്; തൊണ്ടി മുതല്‍ പുറത്തുവരാന്‍ നാലുദിവസമായി കാത്തിരിപ്പ്  

ഭര്‍ത്താവുമായി ഏറെക്കാലമായി അകന്നു കഴിയുന്ന ചിന്നു വാടക ക്വാര്‍ട്ടേഴ്സില്‍ താമസിച്ചുവരികയായിരുന്നു. ആണ്‍ സുഹൃത്തായ സന്ദേശും കൂടെ ഉണ്ടായിരുന്നു. സന്ദേശ് രാവിലെ ജോലിക്ക് പോയി. ഉച്ചയ്ക്ക് ഫോണ്‍ വിളിച്ചപ്പോഴും എടുക്കാത്തതിനെ തുടര്‍ന്ന് സുഹൃത്തിനെയും കൂട്ടി എത്തിയപ്പോഴാണ് സംഭവം അറിയുന്നത്. 

സംഭവവുമായി ബന്ധപ്പെട്ട് സന്ദേശിനെ പൊലിസ് ചോദ്യം ചെയ്തിരുന്നു. കാസര്‍കോട് ഭാഷ ശൈലിയില്‍ വീഡിയോകള്‍ അവതരിപ്പിക്കുന്ന ചിന്നുവിന് രണ്ട് ലക്ഷത്തിലധികം ഫോളോവേഴ്സ് ഉണ്ടായിരുന്നു.   വിവാഹമോചനവുമായി ബന്ധപ്പെട്ട നടപടികള്‍ പൂര്‍ത്തിയായിട്ടില്ലെന്നാണ് വിവരം. നാലുവയസുള്ള മകന്‍ ഇറാന്‍ ചിന്നു പിതാവിന്റെ കൂടെയാണ് താമസം.

The boyfriend of Kerala-based social media influencer Chinnu Pappu, also known as Reshma, has been found dead in Kasaragod, days after her alleged suicide. Sandesh, a native of Chowki in Kasaragod, was discovered hanging at his residence. Police have launched an investigation into the incident.