കുവൈത്ത് സിറ്റി: രാജ്യത്തേക്ക് വൻതോതിൽ നിരോധിത പുകയില ഉൽപ്പന്നങ്ങൾ കടത്താനുള്ള ശ്രമം തകർത്ത് കസ്റ്റംസ് അധികൃതർ. ടെർമിനൽ 4-ൽ വെച്ച് പതിവ് പരിശോധനയ്ക്കിടെയാണ് 13 കിലോഗ്രാം പുകയിലയുമായി (ഗുട്ട്ക) ഇന്ത്യൻ പൗരൻ പിടിയിലായത്.

ALSO READ: കുവൈത്തിൽ സുഹൃത്തിനെ കത്തികാട്ടി ഭീഷണിപ്പെടുത്തി കവർച്ച; യുവാവിനെതിരെ കേസ്

ഡൽഹിയിൽ നിന്ന് എത്തിയ പ്രതി, വിമാനത്താവളത്തിൽ കസ്റ്റംസ് ബ്രോക്കറായി ജോലി ചെയ്യുന്ന ആളാണെന്ന് തിരിച്ചറിഞ്ഞിട്ടുണ്ട്. ഇയാളുടെ ലഗേജുകളിൽ ഒളിപ്പിച്ച നിലയിലായിരുന്നു പുകയില ഉൽപ്പന്നങ്ങൾ കണ്ടെത്തിയത്. കുവൈത്തിൽ നിരോധിച്ചിട്ടുള്ള വസ്തുക്കളാണ് പിടിച്ചെടുത്തത്.

ALSO READ: നാളെ മാസപ്പിറവി നിരീക്ഷിക്കാൻ ഗൾഫ് രാഷ്ട്രങ്ങളുടെ ആഹ്വാനം; പതിവ് തെറ്റിച്ചു ഒമാൻ, ഓരോ രാജ്യത്തെയും അവസ്ഥകൾ ഇങ്ങനെ | Ramadan 2026

പ്രതിക്കെതിരെ ആവശ്യമായ നിയമനടപടികൾ ആരംഭിച്ചതായി കസ്റ്റംസ് ജനറൽ അഡ്മിനിസ്ട്രേഷൻ അറിയിച്ചു. തുടർ അന്വേഷണങ്ങൾക്കായി ഇയാളെ ജനറൽ ഡിപ്പാർട്ട്മെന്റ് ഓഫ് ക്രിമിനൽ ഇൻവെസ്റ്റിഗേഷന് (എയർപോർട്ട് വിഭാഗം) കൈമാറും. രാജ്യത്തിന്റെ സുരക്ഷ കണക്കിലെടുത്ത് വിമാനത്താവളങ്ങളിൽ പരിശോധന കർശനമാക്കുമെന്ന് അധികൃതർ വ്യക്തമാക്കി.

an indian national was arrested for allegedly attempting to smuggle tobacco products from delhi to kuwait. authorities intercepted the consignment during inspection and registered a case, reinforcing strict customs regulations and anti smuggling measures.