റിയാദ്: തീർഥാടകരുടെ ആരോഗ്യ സുരക്ഷ ഉറപ്പാക്കുന്നതിനായി 'ഹജ്ജ് ഇൻ ഹെൽത്ത്' എന്ന പേരിൽ പ്രത്യേക ആരോഗ്യ ബോധവൽക്കരണ ഗൈഡുമായി സഊദി ആരോഗ്യ മന്ത്രാലയം. പ്രതിരോധ നടപടികളെക്കുറിച്ച് മനസ്സിലാക്കാനും ക്ഷേമം ഉറപ്പാക്കാനും ലക്ഷ്യമിട്ടാണ് ഈ ഗൈഡ് തയാറാക്കിയിരിക്കുന്നത്. തീർഥാടനത്തിലുടനീളം ഈ ഗൈഡ് സഹായകരമാകും. 

പ്രധാന നിർദേശങ്ങൾ

*ഹജ്ജിന് മുമ്പ് പാലിക്കേണ്ട ആരോഗ്യ നിയമങ്ങൾ
*ചൂട് മൂലമുണ്ടാകുന്ന ആരോഗ്യ പ്രശ്നങ്ങൾ, സൂര്യാഘാതം എന്നിവയിൽ നിന്നുള്ള സംരക്ഷണം ഉറപ്പാക്കാനുള്ള നിർദേശങ്ങൾ
*ജനക്കൂട്ടത്തിനിടയിൽ ശ്വാസതടസ്സം മുതലായവ ഉണ്ടാകുമ്പോൾ സ്വീകരിക്കേണ്ട പ്രതിരോധ മാർ​ഗങ്ങൾ 
*ഭക്ഷണത്തിലൂടെ പകരുന്ന രോഗങ്ങൾ തടയുന്നതിനുള്ള മുൻകരുതലുകൾ
*വൈദ്യസഹായം ലഭ്യമാകുന്നതിന് മുമ്പ് സ്വീകരിക്കേണ്ട പ്രഥമശുശ്രൂഷകൾ അടിയന്തര നടപടികൾ തുടങ്ങിയവയാണ് ​ഗൈഡിലുൾപ്പെട്ടിരിക്കുന്ന നിർദേശങ്ങൾ. 

ALSO READ: മക്ക-മദീന യാത്ര ഇനി അതിവേഗം; ഹജ്ജ് സീസണിൽ ഓരോ 25 മിനിറ്റിലും ട്രെയിൻ സർവിസ്

വിവിധ രാജ്യങ്ങളിൽ നിന്നുള്ള തീർഥാടകർക്ക് ഒരുപോലെ വായിക്കാൻ കഴിയുന്ന തരത്തിൽ എട്ട് ഭാഷകളിലായാണ് ഗൈഡ് പുറത്തിറക്കിയിരിക്കുന്നത്. മലയാളം നിലവിൽ ഉൾപ്പെട്ടിട്ടില്ല. അറബിക്, ഇംഗ്ലീഷ്, ഫ്രഞ്ച്, ഉർദു, പേർഷ്യൻ, ഇന്തോനേഷ്യൻ, ടർക്കിഷ്, മലായ് എന്നീ ഭാഷകളിൽ ​ഗൈഡ് ലഭ്യമാണ്. സഊദി വിഷൻ 2030ന്റെ ഭാഗമായുള്ള ഹെൽത്ത് സെക്ടർ ട്രാൻസ്ഫോർമേഷൻ പ്രോഗ്രാമിന് കീഴിലാണ് ഈ പദ്ധതി നടപ്പിലാക്കുന്നത്. തീർഥാടകർക്ക് ഹജ്ജ് കർമ്മങ്ങൾ നിർവഹിക്കാൻ ആവശ്യമായ ബോധവൽക്കരണം നൽകുന്നതിൽ തങ്ങൾ പ്രതിജ്ഞാബദ്ധരാണെന്ന് മന്ത്രാലയം വ്യക്തമാക്കി.

The Saudi Ministry of Health has launched the 'Hajj in Health' awareness guide in eight languages to ensure pilgrim safety. The guide provides essential instructions on preventing heatstroke, foodborne illnesses, and managing emergencies during the pilgrimage.