ദോഹ: വിശുദ്ധ റമദാൻ മാസത്തിൽ ഖത്തറിലെ സർക്കാർ സ്ഥാപനങ്ങൾക്കുള്ള ഔദ്യോഗിക പ്രവൃത്തിസമയം മന്ത്രിസഭാ സെക്രട്ടേറിയറ്റ് ജനറൽ പ്രഖ്യാപിച്ചു. ഇതുപ്രകാരം സർക്കാർ ജീവനക്കാർക്ക് പ്രതിദിനം അഞ്ച് മണിക്കൂറായിരിക്കും ജോലി സമയം. രാവിലെ 9 മണി മുതൽ ഉച്ചയ്ക്ക് 2 മണി വരെയാണ് ഔദ്യോഗിക സമയം.

ALSO READ: നാളെ മാസപ്പിറവി നിരീക്ഷിക്കാൻ ഗൾഫ് രാഷ്ട്രങ്ങളുടെ ആഹ്വാനം; പതിവ് തെറ്റിച്ചു ഒമാൻ, ഓരോ രാജ്യത്തെയും അവസ്ഥകൾ ഇങ്ങനെ

ജോലി ആവശ്യകതകൾ പൂർത്തിയാക്കുന്നതിനും അഞ്ച് മണിക്കൂർ പ്രവൃത്തിസമയം തികയ്ക്കുന്നതിനും വിധേയമായി രാവിലെ 10 മണി വരെ ജോലിയിൽ പ്രവേശിക്കാനുള്ള സമയം അനുവദിച്ചിട്ടുണ്ട്. ഒരു കമ്പനിയിലെ ആകെ ജീവനക്കാരുടെ 30 ശതമാനം പേർക്ക് വീട്ടിലിരുന്ന് ജോലി ചെയ്യാൻ അനുമതിയുണ്ട്. അമ്മമാർക്കും, ഭിന്നശേഷിക്കാർക്കുമായിരിക്കും ഇതിൽ ഏറ്റവും മുൻ​ഗണന. സ്ഥാപനങ്ങളുടെ ജോലിയെ ബാധിക്കാത്ത തരത്തിലാണ് മന്ത്രാലയം സമയം നിശ്ചയിച്ചിരിക്കുന്നത്. 

Qatar announces 5-hour workdays (9 AM – 2 PM) for the government sector during Ramadan. The policy includes flexible start times and permits up to 30% of employees to work remotely, prioritizing Qatari mothers and people with disabilities.