വാഷിങ്ടണ്‍: യു.എസില്‍ എയര്‍ഷോയ്ക്കിടെ രണ്ട് യുദ്ധവിമാനങ്ങള്‍ തമ്മില്‍ കൂട്ടിയിടിച്ച് അപകടം. അമേരിക്കയിലെ ഇഡാഹോയിലെ മൗണ്ടന്‍ ഹോം എയര്‍ബേസില്‍ നടന്ന എയര്‍ഷോയ്ക്കിടെയാണ് അപകടമുണ്ടായത്. അപകടത്തില്‍നിന്ന് രണ്ട് വിമാനങ്ങളിലെയും നാല് ജീവനക്കാരേ സുരക്ഷിതമായി പുറത്തെത്തിച്ചു. ആര്‍ക്കും പരുക്കേറ്റിട്ടില്ലെന്ന് അധികൃതര്‍ അറിയിച്ചു. സംഭവത്തിന്റെ വീഡിയോ സാമൂഹിക മാധ്യമങ്ങളില്‍  വ്യാപകമായി പ്രചരിക്കുന്നുണ്ട്.

അമേരിക്കയുടെ ഇ.എ-18ജി ഗ്രൗളര്‍ ഇരു സീറ്റുകളുള്ള ജെറ്റ് വിമാനങ്ങളാണ് അപകടത്തില്‍പെട്ടത്. എയര്‍ഷോയ്ക്കിടെ മുകളിലുണ്ടായിരുന്ന വിമാനം താഴത്തെ വിമാനത്തില്‍ കുരുങ്ങുകയും വിമാനങ്ങള്‍ ഇരുദിശയിലേക്ക് കുത്തനെ നിന്ന സമയത്ത് നാല് പൈലറ്റുമാരും പാരച്യൂട്ട് ഉപയോഗിച്ച് രക്ഷപ്പെടുകയുമായിരുന്നു. നിലത്തു വീണയുടന്‍ വിമാനങ്ങള്‍ക്ക് തീപിടിക്കുകയും വലിയ രീതിയില്‍ സ്‌ഫോടനമുണ്ടാവുകയും ചെയ്തു. 

പൈലറ്റുമാരുടെ ആരോഗ്യനില തൃപ്തികരമാണെന്ന് സൈനികവൃത്തങ്ങള്‍ അറിയിച്ചു. വ്യോമപ്രകടനം കാണാനെത്തിയ കാണികള്‍ക്കോ ബേസിലെ ജീവനക്കാര്‍ക്കോ അപകടമുണ്ടായിട്ടില്ലെന്നും അധികൃതര്‍ അറിയിച്ചു. അപകടത്തെ തുടര്‍ന്ന് മൗണ്ടന്‍ ഹോം എയര്‍ഫോഴ്‌സ് ബേസ് ഉടനടി അടച്ചുപൂട്ടുകയും ഷോ റദ്ദാക്കുകയും ചെയ്തു.

Two fighter jets collided during an airshow in the United States, causing panic among spectators. Despite the dramatic mid-air accident, both pilots survived the incident in what authorities described as a miraculous escape. Emergency response teams quickly reached the scene, and an investigation has been launched to determine the cause of the collision.