ന്യൂഡല്‍ഹി: പ്രധാനമന്ത്രി നരേന്ദ്ര മോദി ഓസ്ലോയില്‍. ഇന്ത്യയും നോര്‍വേയും തമ്മിലുള്ള ഉഭയകക്ഷി ചര്‍ച്ചകളും മൂന്നാം ഇന്ത്യ-നോര്‍ഡിക് ഉച്ചകോടിയിലും പങ്കെടുക്കുക എന്നതാണ് സന്ദര്‍ശനത്തിന്റെ പ്രധാന ലക്ഷ്യം.

43 വര്‍ഷത്തിനിടെ ഇന്ത്യയില്‍നിന്നുള്ള ഒരു പ്രധാനമന്ത്രിയുടെ ആദ്യ നോര്‍വേ സന്ദര്‍ശനമാണിത്. സന്ദര്‍ശനത്തിന്റെ ഭാഗമായി മോദി ഇന്ന് നോര്‍വേയുടെ രാജാവായ അഞ്ചാമനെയും ഹരാള്‍ഡ് രാജ്ഞി സോന്‍ജയെയും സന്ദര്‍ശിക്കും. തുടര്‍ന്ന് നോര്‍വേ പ്രധാനമന്ത്രി ജോനാസ് ഗഹര്‍ സ്റ്റോറുമായുമായി ഉഭയകക്ഷി ചര്‍ച്ചകള്‍ നടത്തും.

ഇന്ത്യ-നോര്‍വേ ബിസിനസ് ആന്‍ഡ് റിസര്‍ച്ച് ഉച്ചകോടിയെയും പ്രധാനമന്ത്രി അഭിസംബോധന ചെയ്യും. ക്ലീന്‍ ആന്‍ഡ് ഗ്രീന്‍ ടെക്‌നോളജി, ബ്ലൂ ഇക്കണോമി, നവീകരണം, പ്രതിരോധം, ആര്‍ട്ടിക് മേഖല, ജനങ്ങള്‍ തമ്മിലുള്ള ബന്ധം തുടങ്ങിയ വിഷയങ്ങളിലാകും ചര്‍ച്ചകള്‍ കേന്ദ്രീകരിക്കുക. 

നാളെ നടക്കുന്ന മൂന്നാം ഉച്ചകോടിയില്‍ ഇന്ത്യയും അഞ്ച് നോര്‍ഡിക് രാജ്യങ്ങളുമായുള്ള സഹകരണം കൂടുതല്‍ ശക്തമാക്കുന്നതിനെ കുറിച്ചും ചര്‍ച്ചകള്‍ നടക്കും.

ഇന്ത്യയും നോര്‍ഡിക് രാജ്യങ്ങളും തമ്മിലുള്ള ഉഭയകക്ഷി വ്യാപാരം നിലവില്‍ ഏകദേശം 19 ബില്യണ്‍ ഡോളറാണ്. അടുത്തിടെ നടപ്പിലാക്കിയ വ്യാപാരസാമ്പത്തിക പങ്കാളിത്ത കരാറിന്റെ പശ്ചാത്തലത്തില്‍ ഈ ഉച്ചകോടി സാമ്പത്തിക ബന്ധങ്ങള്‍ക്ക് കൂടുതല്‍ ഉത്തേജനം നല്‍കുമെന്നാണ് വിലയിരുത്തല്‍.

Prime Minister Narendra Modi has arrived in Norway to attend the third India–Nordic Summit. The visit is aimed at strengthening diplomatic and economic ties between India and Nordic countries. During the summit, discussions are expected on trade, climate cooperation, innovation, and global strategic partnerships.