ധാക്ക: ബംഗ്ലാദേശിൽ ബി.എൻ.പി ചെയർപഴ്സൺ താരിഖ് റഹ്്മാന്റെ നേതൃത്വത്തിലുള്ള സർക്കാർ ഇന്ന് അധികാരമേൽക്കും. 13 രാഷ്ട്രങ്ങളുടെ പ്രതിനിധികളും ചടങ്ങിൽ പങ്കെടുക്കും. ഇന്ത്യയെ പ്രതിനിധീകരിച്ച് ലോക്സഭാ സ്പീക്കർ ഓം ബിർള പങ്കെടുക്കും.
ബംഗ്ലാദേശ് പാർലമെന്റായ ജാതിയ സൻഗ്സദിലെ സൗത്ത് പ്ലാസയിൽ രാവിലെ 10 നാണ് സത്യപ്രതിജ്ഞാ ചടങ്ങ്. പ്രധാനമന്ത്രിക്കു പിന്നാലെ മന്ത്രിമാരും എം.പിമാരും സത്യപ്രതിജ്ഞ ചെയ്യും. 

11.30 ന് ബി.എൻ.പി പാർലമെന്ററി പാർട്ടി യോഗം ചേർന്ന് പാർലമെന്ററി പാർട്ടി നേതാവിനെ തെരഞ്ഞെടുക്കും. പ്രസിഡന്റ് മുഹമ്മദ് ഷിഹാബുദ്ദീൻ ആണ് സത്യവാചകം ചൊല്ലിക്കൊടുക്കുക. കഴിഞ്ഞ ദിവസം പുറത്തുവന്ന തെരഞ്ഞെടുപ്പ് ഫല പ്രഖ്യാപനത്തിൽ 297 സീറ്റിൽ 209 സീറ്റുകളും ബംഗ്ലാദേശ് നാഷനൽ പാർട്ടി (ബി.എൻ.പി) നേടിയിരുന്നു. മാലദ്വീപ് പ്രസിഡന്റ് മുഹമ്മദ് മുഇസ്സു, പാകിസ്ഥാൻ പ്രധാനമന്ത്രി ഷഹബാസ് ശരീഫ് എന്നിവരാണ് ചടങ്ങിൽ പങ്കെടുക്കുന്ന രാഷ്ട്രത്തലവൻമാർ. ഫ്രഞ്ച് പ്രസിഡന്റ് ഇമ്മാനുവൽ മാക്രോൺമുംബൈയിൽ ഉള്ളതിനാണ് മോദി പങ്കെടുക്കാത്തത്. ചൈന, ശ്രീലങ്ക, തുർക്കി എന്നിവർ പ്രതിനിധികളെ അയക്കും.