തിരുവനന്തപുരം: ഗവൺമെന്റ് മെഡിക്കൽ കോളജിലെ ഡോക്ടർ ആരംഭിച്ച സമരം മൂന്നാം ദിവസത്തിലേക്ക്. വിവിധ ആവശ്യങ്ങൾ ഉന്നയിച്ച് കെജിഎംസിടിഎയുടെ നേതൃത്വത്തിൽ നടക്കുന്ന സമരം ശക്തമാക്കാനാണ് സംഘടനയുടെ തീരുമാനം. ഒപി ബഹിഷ്കരണമാണ് ഇന്നത്തേതുൾപ്പെടെ മൂന്ന് ദിവസമായി നടക്കുന്നത്. സമരത്തിൽ ഇതുവരെ സർക്കാരിന്റെ ഭാഗത്ത് നിന്ന് അനുകൂല നടപടി ഉണ്ടായിട്ടില്ല. ഈ സാഹചര്യത്തിലാണ് നാളെ മുതൽ സമരം ശക്തമാക്കാൻ തീരുമാനിച്ചത്. 
 
ഇന്നും അനുകൂല നടപടികൾ ഉണ്ടായില്ലെങ്കിൽ നാളെ മുതൽ ഒപി ബഹിഷ്‌കരണത്തിന് പുറമെ അടിയന്തരമല്ലാത്ത ശസ്ത്രക്രിയകളും നിർത്തിവെക്കാനാണ് തീരുമാനം. സമരത്തിന്റെ മൂന്നാം ദിവസമായ ഇന്ന് മെഡിക്കൽ കോളേജിൽ കെജിഎംസിടിഎ പ്രതിഷേധ കൂട്ടായ്മ സംഘടിപ്പിക്കും. 

ALSO READ: തീപിടിത്തങ്ങള്‍ ആവര്‍ത്തിക്കുന്നു; കോഴിക്കോട് നഗരം ഭീതിയില്‍, അധികൃതര്‍ക്കെതിരെ വ്യാപാരികള്‍

അതേസമയം, അവശ്യ ആരോഗ്യ സേവനങ്ങളായ കാഷ്വാൽറ്റി, ഐസിയു. ലേബർ റൂം, മറ്റ് അടിയന്തര ചികിത്സകൾ, അടിയന്തര ശസ്ത്രക്രിയകൾ, പോസ്റ്റ്‌മോർട്ടം എന്നിവയെ പ്രതിഷേധ പരിപാടികളിൽ നിന്നും ഒഴിവാക്കിയിട്ടുണ്ട്.