പേരാമ്പ്ര: ഓണം-പെരുന്നാള്‍ ആഘോഷങ്ങളുടെ ഭാഗമായി പേരാമ്പ്രയില്‍ സൗഹൃദ വിരുന്നും സാംസ്‌കാരിക ഘോഷയാത്രയും നടത്തി. വെല്‍ഫെയര്‍ സ്‌കൂളില്‍ ഒരുക്കിയ സൗഹൃദ വിരുന്നില്‍ ജനപ്രതിനിധികള്‍, സാംസ്‌കാരിക പ്രവര്‍ത്തകര്‍ സാമൂഹ്യ-രാഷ്ട്രീയ മേഖലയലെ പ്രമുഖര്‍ പങ്കെടുത്തു. തുടര്‍ന്ന് പേരാമ്പ്ര ടൗണിലേക്ക് ഘോഷയാത്ര നടന്നു. വൈകിട്ട് ഗവ. യു.പി സ്‌കൂള്‍  അങ്കണത്തില്‍ നടന്ന കലാവിരുന്ന് ജില്ലാ പഞ്ചായത്തംഗം എ.കെ ബാലന്‍ ഉദ്ഘാടനം ചെയ്തു. എം.കെ കുഞ്ഞിക്കണ്ണന്‍ അധ്യക്ഷനായി.
ബ്ലോക്ക് പഞ്ചായത്തംങ്ങളായ വി.കെ പ്രമോദ്, കെ.കെ മൂസ, ഗ്രാമപഞ്ചായത്ത് വൈസ് പ്രസിഡന്റ് കെ.പി ഗംഗാധരന്‍ നമ്പ്യാര്‍, അംഗങ്ങളായ കെ.എം മിനി, പി.എം ലതിക, മുന്‍പഞ്ചായത്ത് പ്രസിഡന്റ് കെ.പി ഗോപി, കെ. ഇബ്രാഹിം കുട്ടി, ഹെഡ്മാസ്റ്റര്‍ രഘുദാസ്, അഡ്വ. കെ. പ്രമോദ് സംസാരിച്ചു. ചേര്‍മല കിഴിഞ്ഞാണ്യം വികസന സമിതിയുടെ ആഭിമുഖ്യത്തിലാണ് ഘോഷയാത്ര നടന്നത്.