കണ്ണൂര്‍: ചൊവ്വ ഹയര്‍സെക്കന്‍ഡറി സ്‌കൂളിലെ ജൂനിയര്‍ റെഡ്‌ക്രോസ് വിദ്യാര്‍ഥികള്‍ പ്രത്യാശാഭവനിലെ അന്തേവാസികള്‍ക്കൊപ്പം ഓണമാഘോഷിച്ചു. ഒരുപിടിയരി ഒരുരൂപ പദ്ധതി പ്രകാരം എല്ലാവിദ്യാര്‍ഥികളില്‍ നിന്നും അരിയും ഒരുരൂപയും ശേഖരിച്ചാണ് ആഘോഷം.  പൂക്കളമൊരുക്കിയും മധുരപലഹാരം വിതരണം ചെയ്തും അന്തേവാസികള്‍ക്കൊപ്പം ഓണം ഗംഭീരമാക്കി. കുട്ടികള്‍ സ്വരൂപിച്ച ധന സഹായം പ്രത്യാശാഭവന്‍ അധികൃതര്‍ക്ക് മന്ത്രി രാമചന്ദ്രന്‍ കടന്നപ്പള്ളി കൈമാറി. ആഘോഷപരിപാടിയും മന്ത്രി ഉദ്ഘാടനം ചെയ്തു. ഹെഡ്മിസ്ട്രസ് സി.എം ആശ അധ്യക്ഷയായി. പ്രോഗ്രാകോര്‍ഡിനേറ്റര്‍ എന്‍.ടി സുരേന്ദ്രന്‍, സുമന്‍ മാത്യൂ രാജ്, പി.കെ ബാലകൃഷ്ണന്‍, ഫാദര്‍ വട്ടക്കുളം, സിസ്റ്റര്‍ ഷിനി സംസാരിച്ചു.