കോട്ടയം: തിരുവനന്തപുരം- കണ്ണൂര്‍ ജനശതാബ്ദി എക്‌സ്പ്രസിന് നേരെ കല്ലെറിഞ്ഞ സംഭവത്തില്‍ ഇതര സംസ്ഥാന തൊഴിലാളിയെ റെയില്‍വേ സംരക്ഷണ സേന (RPF) പിടികൂടി. പശ്ചിമ ബംഗാള്‍ സ്വദേശിയായ പ്രകാശ് ധാലി (26) ആണ് അറസ്റ്റിലായത്. കോട്ടയം ആര്‍പിഎഫ് ഇന്‍സ്‌പെക്ടര്‍ എന്‍.എസ് സന്തോഷിന്റെ നേതൃത്വത്തിലുള്ള സംഘമാണ് പ്രതിയെ വലയിലാക്കിയത്. മാര്‍ച്ച് ആറിന് വൈകുന്നേരം ആറരയോടെ പിറവം റെയില്‍വേ സ്റ്റേഷന് സമീപത്തുവച്ചായിരുന്നു ആക്രമണം നടന്നത്.

ട്രെയിനിന്റെ ഡി7 കോച്ചിന് നേരെയാണ് കല്ലേറുണ്ടായത്. ട്രാക്കിന്റെ ഇടതുവശത്തുനിന്നാണ് പ്രതി കല്ലെറിഞ്ഞതെന്ന് ഉദ്യോഗസ്ഥര്‍ സ്ഥിരീകരിച്ചു. കല്ലേറില്‍ ട്രെയിനിലെ 104ാം നമ്പര്‍ സീറ്റിലിരുന്ന വനിതാ യാത്രക്കാരിക്ക് പരിക്കേറ്റു. കല്ല് വന്ന് പതിച്ചതിനെത്തുടര്‍ന്ന് ഇവരുടെ ഇടത് കൈയ്ക്കാണ് പരിക്കേറ്റത്. സംഭവത്തിന് പിന്നാലെ ആര്‍പിഎഫ് നടത്തിയ ഊര്‍ജ്ജിതമായ അന്വേഷണത്തിനൊടുവിലാണ് പ്രതി പിടിയിലായത്.

ALSO READ: ചെക്ക്പോസ്റ്റുകളിൽ സുരക്ഷ വർധിപ്പിച്ച് എക്‌സൈസ്; 13 ഓഫിസർമാരെ കൂടി നിയമിക്കാൻ തീരുമാനം 

The Railway Protection Force (RPF) arrested a 26-year-old migrant worker from West Bengal for pelting stones at the Jan Shatabdi Express near Piravom, which resulted in an injury to a female passenger's arm.