മുംബൈ: ഹിന്ദുത്വ നേതാവ് വിഡി സവര്‍ക്കറെ അപമാനിച്ചെന്ന ആരോപണത്തില്‍ ലോക്‌സഭാ പ്രതിപക്ഷ നേതാവ് രാഹുല്‍ ഗാന്ധിക്കെതിരെ ചുമത്തിയ അപകീര്‍ത്തിക്കേസ് റദ്ദാക്കി നാസിക് കോടതി. കേസില്‍ പൊലിസ് റിപ്പോര്‍ട്ട് സമര്‍പ്പിച്ചതിന് പിന്നാലെ പരാതിക്കാരന്‍ ഹരജി പിന്‍വലിക്കുകയായിരുന്നു. തുടര്‍ന്നാണ് കേസ് റദ്ദാക്കിയത്. 

2022 ല്‍ ഭാരത് ജോഡോ യാത്രക്കിടെ നടത്തിയ പരാമര്‍ശങ്ങളിലാണ് രാഹുല്‍ ഗാന്ധിക്കെതിരെ നാസികിലെ നിര്‍ഭയ ഫൗണ്ടേഷന്‍ എന്‍ജിഒ പ്രസിഡന്റായ ദേവേന്ദ്ര ഭൂട്ടാഡ പരാതിയുമായി രംഗത്തെത്തിയത്. കേസ് അന്വേഷിച്ച പൊലിസ് അന്വേഷണ റിപ്പോര്‍ട്ട് സമര്‍പ്പിച്ചിരുന്നു. രാഹുലിന്റെ പ്രസംഗം അപകീര്‍ത്തികരമല്ലെന്നാണ് റിപ്പോര്‍ട്ടെന്നാണ് വിവരം. 

ALSO READ: തൃശൂരില്‍ കിടപ്പുരോഗിയായ വയോധികയെ തെരുവുനായ കടിച്ചുകൊന്നു 

2022 നവംബര്‍ 17ന് മഹാരാഷ്ട്രയിലെ ഹിംഗോളിയിലും, അകോളെയിലും വെച്ച് നടത്തിയ റാലിയിലാണ് രാഹുല്‍ സവര്‍ക്കറെ പരാമര്‍ശിച്ചത്. സവര്‍ക്കര്‍ ബ്രിട്ടീഷ് സര്‍ക്കാരിന് വേണ്ടി പ്രവര്‍ത്തിക്കാമെന്ന് ഉറപ്പ് നല്‍കിയിരുന്നെന്നാണ് രാഹുല്‍ ഗാന്ധി അന്ന് പറഞ്ഞത്. എന്നാല്‍ സ്വതന്ത്ര്യ സമര സേനാനിയായിരുന്ന സവര്‍ക്കറെ അപമാനിക്കുന്നതിന് തുല്യമാണ് ഈ പരാമര്‍ശം എന്ന് ചൂണ്ടിക്കാട്ടിയാണ് ഹരജിക്കാരന്‍ കോടതിയെ സമീപിച്ചത്. സവര്‍ക്കറുടെ പ്രശസ്തിയെ താറടിച്ചു കാണിക്കാന്‍ രാഹുല്‍ ശ്രമിച്ചെന്നായിരുന്നു പരാതി. 

കേസില്‍ 2024ല്‍ രാഹുലിന് സമന്‍സ് അയച്ച കോടതി, പിന്നീട് കോടതി നടപടികളില്‍ ഓണ്‍ലൈനായി ഹാജരാവാനുള്ള അനുവാദവും നല്‍കിയിരുന്നു. 

Court in Nashik dismissed the defamation case against Rahul Gandhi. The case alleged that he insulted Vinayak Damodar Savarkar.After the police report was submitted, the complainant withdrew the petition, and the court cancelled the case.