ബംഗളൂരു: ബംഗളൂരു-മൈസൂരു ഹൈവേയിലെ സർവിസ് റോഡിലുണ്ടായ വാഹനാപകടത്തിൽ മലപ്പുറം സ്വദേശിക്ക് ദാരുണാന്ത്യം. എടവണ്ണ മുണ്ടെങ്ങര മാലങ്ങാട് സ്വദേശി തനിയാടൻ അബ്ദുൽ റസാക്കിന്റെ മകൻ ടി. റിൻഷിദ് (26) ആണ് മരിച്ചത്. കുമ്പളകോടിന് സമീപം ശനിയാഴ്ച അർധരാത്രിയോടെ കാറും ബൈക്കും കൂട്ടിയിടിച്ചായിരുന്നു അപകടം. 

കഴിഞ്ഞ ആറ് വർഷമായി ബംഗളൂരുവിലെ സ്വകാര്യ സ്കൂളിൽ ഡ്രൈവറായി ജോലി ചെയ്തുവരികയായിരുന്നു റിൻഷിദ്. മൂന്ന് മാസം മുൻപായിരുന്നു ഇദ്ദേഹത്തിന്റെ വിവാഹം നടന്നത്.

അപകടത്തെത്തുടർന്ന് സെന്റ് ജോൺസ് ആശുപത്രിയിൽ എത്തിച്ച മൃതദേഹം പോസ്റ്റ്മോർട്ടം നടപടികൾക്ക് ശേഷം ആൾ ഇന്ത്യ കെ.എം.സി.സി പ്രവർത്തകരുടെ നേതൃത്വത്തിൽ ശിഹാബ് തങ്ങൾ സെന്ററിൽ അന്ത്യകർമങ്ങൾ പൂർത്തിയാക്കി നാട്ടിലേക്ക് കൊണ്ടുപോയി. മാതാവ്: സാജിന, ഭാര്യ: ഹാദിയ, സഹോദരങ്ങൾ: ടി. ഫിൻഷിദ്, സനതിൽ സിദാൻ, സിനാൻ, ജസ്‌വിൻ മഹസിൻ.

A Malappuram native, T. Rinshid (26), was killed in a tragic road accident near Kumbalgodu on the Bengaluru-Mysuru highway service road. The incident occurred late Saturday night when his motorcycle collided with a car.