കോഴിക്കോട്: എസ്.കെ.എസ് എസ്.എഫ് സംസ്ഥാന കമ്മിറ്റിയുടെ ആതുര സേവന വിഭാഗമായ സഹചാരി റിലീഫ് സെല്ലിലേക്കുള്ള ഈ വർഷത്തെ ഫണ്ട് സമാഹരണം 4 കോടിയോടടുക്കുന്നു. റമളാനിലെ ആദ്യ വെള്ളിയാഴ്ചയിൽ ഫെബ്രുവരി 20 ന് പള്ളികളിൽ നിന്നുള്ള ഫണ്ട് ശേഖരണത്തോടെയാണ് ഈ വർഷത്തെ കാമ്പയിന് തുടക്കമായത്. സഹചാരി ആപ്ലിക്കേഷൻ മുഖേനയാണ് ഫണ്ട് സമാഹരണം നടക്കുന്നത്. കാമ്പയിനിന്റെ സമാപനം കുറിച്ച് മാർച്ച് 18 ന് (റമളാൻ ഇരുപത്തൊമ്പതാം രാവിൽ)ഓൺ ലൈൻ പ്രാർത്ഥനാ സംഗമം നടക്കും. പ്രമുഖ സാദാത്തുക്കളും നേതാക്കളും സംബന്ധിക്കും. കാമ്പയിനിന്റെ ഭാഗമായി ഏറ്റവും കൂടുതൽ തുക സമാഹരിച്ച് 1,2,3 സ്ഥാനത്തെത്തി സയ്യിദ്‌ ഹൈദരലി ശിഹാബ് തങ്ങൾ സ്മാരക അവാർഡുകൾക്ക് അർഹരാകുന്ന യൂണിറ്റ്, കസ്റ്റർ, മേഖല, ജില്ല കമ്മിറ്റികളെ പ്രഖ്യാപിക്കും.