ഇരിങ്ങാലക്കുട: ആളൂരില്‍ വിദ്യാര്‍ഥികള്‍ സഞ്ചരിച്ചിരുന്ന ഇലക്ട്രിക് സ്‌കൂട്ടറിന് പിന്നില്‍ പൊലിസ് ജീപ്പിടിച്ച് ഒരാള്‍ മരിച്ച സംഭവത്തില്‍ പൊലിസ് ഡ്രൈവര്‍ ശ്രീജിത്തിന്റെ പേരില്‍ നരഹത്യയ്ക്ക് കേസ്. ജീപ്പ് അമിതവേഗതയിലായിരുന്നുവെന്നാണ് റിപ്പോര്‍ട്ട്. ആളൂര്‍ പൊലിസാണ് സംഭവത്തില്‍ കേസെടുത്തിരിക്കുന്നത്. പരുക്കേറ്റ് റോഡില്‍ കിടന്ന കുട്ടികളെ 15 മിനിറ്റോളം കഴിഞ്ഞാണ് സ്വകാര്യ വാഹനത്തില്‍ ആശുപത്രിയിലെത്തിച്ചത്. ആശുപത്രിയിലെത്തിക്കാന്‍ വൈകിയതാണ് മരണത്തിനിടയാക്കിയതെന്നാണ് റിപ്പോര്‍ട്ട്. 

ജൂണ്‍ 15നായിരുന്നു അപകടം. അപകടത്തില്‍ ഡ്രൈവര്‍ക്കെതിരേ കര്‍ശന നടപടി എടുക്കണമെന്നാവശ്യപ്പെട്ട് തോമസ് ഉണ്ണിയാടന്‍ എം.എല്‍.എ ആഭ്യന്തര മന്ത്രി രമേശ് ചെന്നിത്തലക്ക് നിവേദനം നല്‍കിയിരുന്നു. 

ചികിത്സയിലിരിക്കെ മരിച്ച ആളൂര്‍ പീണിക്കപ്പറമ്പില്‍ രാജുവിന്റെ മകന്‍ ജൂവിന്‍ രാജുവിന്റെ കുടുംബത്തിന് നഷ്ടപരിഹാരം നല്‍കണമെന്നും തീവ്ര പരിചരണ വിഭാഗത്തില്‍ ചികിത്സയിലിരിക്കുന്ന തയ്യില്‍ അനന്തകൃഷ്ണന്റെ ചികിത്സയ്ക്കാവശ്യമായ അടിയന്തര ധനസഹായം നല്‍കണമെന്നും അദ്ദേഹം ആവശ്യപ്പെട്ടു. ഇത് സംബന്ധിച്ച് അനുകൂലമായ തീരുമാനമെടുക്കുമെന്ന് മന്ത്രി ഉറപ്പ് നല്‍കിയതായി ഉണ്ണിയാടന്‍ പറഞ്ഞു

A case of culpable homicide has been registered in connection with the death of a student who was allegedly hit by a police jeep in Thrissur. The incident sparked widespread concern and demands for accountability, prompting authorities to initiate a detailed investigation.