തൃശൂര്‍: സി.പി.ഐ വിട്ട സി.സി മുകുന്ദന്‍ എം.എല്‍.എ ബി.ജെ.പിയിലേക്ക്. ഇന്ന് ഉച്ചയ്ക്ക് ബി.ജെ.പി ജില്ലാ കമ്മിറ്റി ഓഫിസായ നമോയിലെത്തി സി.സി മുകുന്ദന്‍ അംഗത്വം സ്വീകരിക്കും. 

നേരത്തെ കോണ്‍ഗ്രസുമായി മുകുന്ദന്‍ ചര്‍ച്ച നടത്തിയിരുന്നു. കോണ്‍ഗ്രസ് കൈവിട്ടതോടെ മുകുന്ദന്‍ ബി.ജെ.പി നേതാക്കളുമായി ബന്ധപ്പെടുകയായിരുന്നു. പ്രവേശനം പ്രഖ്യാപിച്ചാല്‍ സിറ്റിങ് സീറ്റായ നാട്ടിക നിയമസഭാ മണ്ഡലത്തില്‍ സി.സി മുകുന്ദന്‍ ബി.ജെ.പി സ്ഥാനാര്‍ഥിയാകും. 

സ്ഥാനാര്‍ഥി നിര്‍ണയത്തില്‍ പാര്‍ട്ടി നേതൃത്വവുമായുള്ള ഭിന്നതയെത്തുടര്‍ന്നാണ് സി.സി മുകുന്ദന്‍ പാര്‍ട്ടിവിടുന്നത്. തന്നെ മാറ്റി ഗീതാ ഗോപിയെ സ്ഥാനാര്‍ഥിയാക്കാന്‍ പറ്റില്ലെന്ന് മുകുന്ദന്‍ തുടക്കം മുതലേ വ്യക്തമാക്കിയിരുന്നു. നാട്ടികയില്‍ ഗീതാഗോപിയെ സ്ഥാനാര്‍ഥിയാക്കിയതിന് പിന്നാലെയാണ് സി.പി.ഐയില്‍ പൊട്ടിത്തെറിയുണ്ടായത്. 

പണം പിരിക്കാന്‍ ശേഷിയുള്ളതാണ് ഗീതാ ഗോപിയുടെ മാനദണ്ഡമെന്നായിരുന്നു മുകുന്ദന്റെ പ്രതികരണം.