വാഷിങ്ടണ്‍/ടെഹ്‌റാന്‍: അമേരിക്കയും ഇറാനും തമ്മിലുള്ള യുദ്ധം അവസാനിപ്പിക്കാന്‍ ലക്ഷ്യമിട്ടുള്ള ഒരു നിര്‍ണായക സമാധാന കരാര്‍ ഉടന്‍ യാഥാര്‍ഥ്യമായേക്കുമെന്ന് സൂചന നല്‍കുന്നതാണ് പുറത്തു വരുന്ന റിപ്പോര്‍ട്ടുകള്‍. ഈ വാരാന്ത്യത്തില്‍ യൂറോപ്പില്‍ വെച്ച് ഒപ്പുവെച്ചേക്കുമെന്ന് അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് അവകാശപ്പെടുന്നു. 

'ഇതിനുമുമ്പ് ഒരിക്കലും ഇത്രയും അടുത്തെത്തിയിട്ടില്ല' ഇറാന്റെ വിദേശകാര്യ മന്ത്രി അബ്ബാസ് അരാഗ്ചി പറഞ്ഞു. 
കരാര്‍ 'അന്തിമമാക്കുന്നത് വരെ' ഇതിനെക്കുറിച്ചുള്ള മാധ്യമങ്ങളുടെ ഊഹാപോഹങ്ങള്‍ അവസാനിപ്പിക്കണമെന്നും അദ്ദേഹം ആവശ്യപ്പെട്ടു.

'സമാധാന കരാര്‍ അതിന്റെ അന്തിമവും പരaസ്പരസമ്മതമുള്ളതുമായ രൂപത്തില്‍ എത്തിച്ചേര്‍ന്നിട്ടുണ്ടെന്ന്' ടെഹ്റാനും വാഷിംഗ്ടണും തമ്മിലുള്ള ചര്‍ച്ചകള്‍ക്ക് മധ്യസ്ഥത വഹിച്ച പാകിസ്ഥാന്‍ പ്രധാനമന്ത്രി ഷെഹ്ബാസ് ഷെരീഫ് വ്യക്തമാക്കി. ഇതിന്റെ 'അടുത്ത ഘട്ടങ്ങള്‍' ഇനി അന്തിമമാക്കേണ്ടതുണ്ടെന്നും അദ്ദേഹം കൂട്ടിച്ചേര്‍ത്തു.

ഫെബ്രുവരി അവസാനം മുതല്‍ ആരംഭിച്ച സംഘര്‍ഷങ്ങള്‍ക്ക് അയവുവരുത്താന്‍ പാകിസ്താന്റെയും ഖത്തറിന്റെയും മധ്യസ്ഥതയിലാണ് നിലവില്‍ സമാധാന ചര്‍ച്ചകള്‍ പുരോഗമിക്കുന്നത്.

ഇറാനിലെ നേതൃത്വത്തിന്റെ ഉയര്‍ന്ന തലങ്ങളില്‍ ചര്‍ച്ചകള്‍ എത്തിയെന്നും, അമേരിക്ക, ഇസ്‌റാഈല്‍, സഊദി അറേബ്യ, ഖത്തര്‍ ഉള്‍പ്പെടെയുള്ള രാജ്യങ്ങള്‍ ഈ കരാറിന് അംഗീകാരം നല്‍കിയെന്നും ഡൊണാള്‍ഡ് ട്രംപ് അവകാശപ്പെട്ടിരുന്നു.