ബെംഗളൂരു: കെങ്കേരിയിലുണ്ടായ വാഹനാപകടത്തില്‍ രണ്ട് മലയാളി നഴ്‌സിങ് വിദ്യാര്‍ഥികള്‍ മരണപ്പെട്ടു. ബി.ജി.എസ് നഴ്‌സിങ് കോളജിലെ നാലാം വര്‍ഷ വിദ്യാര്‍ഥികളായ അതുല്‍ സിബി, ഗൗരി ശങ്കര്‍ എന്നിവരാണ് മരിച്ചത്.ശനിയാഴ്ച പുലര്‍ച്ചെ രണ്ട് മണിയോടെ കെങ്കേരി ആര്‍.ആര്‍ ഡെന്റല്‍ കോളജിന് സമീപമാണ് അപകടം. 

മൈസൂരുവില്‍ നിന്ന് ബെംഗളൂരുവിലേക്ക് ബൈക്കില്‍ വരികയായിരുന്നു ഇരുവരും. നിയന്ത്രണം വിട്ട ബൈക്ക് ഡിവൈഡറില്‍ ഇടിച്ചാണ് അപകടമുണ്ടായത്. 

ഇടിയുടെ ആഘാതത്തില്‍ ഇരുവരും സംഭവസ്ഥലത്ത് തന്നെ മരിച്ചു.മൃതദേഹങ്ങള്‍ രാജരാജേശ്വരി മെഡിക്കല്‍ കോളജ് ആശുപത്രിയിലേക്ക് മാറ്റി. പോസ്റ്റ്‌മോര്‍ട്ടത്തിന് ശേഷം ബന്ധുക്കള്‍ക്ക് വിട്ടുകൊടുക്കും. സംഭവത്തില്‍ കെങ്കേരി പൊലിസ് കേസെടുത്ത് അന്വേഷണം ആരംഭിച്ചു.