ന്യൂഡല്‍ഹി: സായുധ സംഘങ്ങള്‍ക്ക് ആയുധപരിശീലനം നല്‍കിയ കേസില്‍ യുഎപിഎ ചുമത്തി ഏഴ് വിദേശികളെ എന്‍.ഐ.എ അറസ്റ്റ് ചെയ്തു. യുഎസ് പൗരനും, ആറ് യുക്രെയ്ന്‍ സ്വദേശികളുമാണ് പിടിയിലായത്. അനധികൃതമായി മ്യാന്‍മറില്‍ പ്രവേശിച്ചതിനും, ഇന്ത്യയില്‍ നിരോധിക്കപ്പെട്ട സംഘടനകള്‍ക്ക് ആയുധങ്ങള്‍ കൈമാറിയതിനുമാണ് അറസ്റ്റ്. 

യുഎസ് പൗരനായ മാത്യൂ വാന്‍ഡെയ്ക, യുക്രെയ്ന്‍ സ്വദേശികളായ ഹുര്‍ബ പെട്രോ, സ്ലിവിയാക് ടറസ്, സുക്മനോവ്‌സ്‌കി, സ്‌റ്റെഫാന്‍കിവ് മരിയന്‍, ഹോങ്ചരുക് മക്‌സിം, കമിന്‍സ്‌കി വിക്ടര്‍ എന്നിവരാണ് പിടിയിലായത്. ഡല്‍ഹിയിലെ എന്‍.ഐ.എ കോടതിയില്‍ ഹാജരാക്കിയ ഇവരെ റിമാന്‍ഡ് ചെയ്തു. 

ALSO READ: ഗംഗാനദി തീരത്ത് ബിരിയാണി കഴിച്ചു; മതവികാരം വ്രണപ്പെട്ടെന്ന് യുവമോര്‍ച്ച; 14 മുസ്‌ലിം യുവാക്കളെ അറസ്റ്റ് ചെയ്ത് യുപി പൊലിസ്  

മിസോറാമിലെ നിയന്ത്രിത മേഖലകളില്‍ ഇവര്‍ പ്രവേശിച്ചതായാണ് വിവരം. സായുധ സംഘങ്ങള്‍ക്ക് ഡ്രോണ്‍ പരിശീലനം നല്‍കിയതായും എഫ്.ഐ.ആറില്‍ പറയുന്നു. യൂറോപ്പില്‍ നിന്ന് മ്യാന്‍മറിലേക്ക് ഇന്ത്യവഴി വന്‍തോതില്‍ ഡ്രോണുകള്‍ കടത്തിയതായി അന്വേഷണ ഉദ്യോഗസ്ഥര്‍ പറയുന്നു. 14 യുക്രെയന്‍ സ്വദേശികള്‍ ടൂറിസ്റ്റ് വിസയിലാണ് വ്യത്യസ്ത തീയതികളിലായി ഇന്ത്യയിലെത്തിയത്. ഗുവാഹട്ടി വഴി മിസോറാമിലെത്തിയ ഇവര്‍ അവിടെനിന്ന് അനധികൃതമായി മ്യാന്‍മറിലേക്ക് കടക്കുകയായിരുന്നു.

seven foreigners, including a us citizen and six ukrainians, were arrested by nia for giving weapons training to armed groups and supplying arms to banned organizations.