കോട്ടയം: നിയമസഭാ തിരഞ്ഞെടുപ്പ് പ്രചാരണം ചൂടുപിടിക്കവെ രണ്ട് മണ്ഡലങ്ങളിലെ കൂടി സ്ഥാനാർത്ഥികളെ പ്രഖ്യാപിച്ച് ട്വന്റി20. വോട്ടർപട്ടികയിലെ സാങ്കേതിക പ്രശ്നങ്ങളെത്തുടർന്ന് നടി വീണാ നായർ പിന്മാറിയ ഏറ്റുമാനൂർ മണ്ഡലത്തിൽ നർത്തകി ആതിര ഡി. നായരെ ട്വന്റി20 സ്ഥാനാർത്ഥിയാകും.  

അതേസമയം, മൂവാറ്റുപുഴ മണ്ഡലത്തിൽ മിൽവോക്കി അക്കാദമി മാനേജിംഗ് ഡയറക്ടർ സണ്ണി കടൂത്താഴെയാണ് ട്വന്റി20 സ്ഥാനാർത്ഥി. ഏറ്റുമാനൂരിൽ നേരത്തെ നിശ്ചയിച്ചിരുന്ന നടി വീണാ നായർക്ക് വോട്ടർപട്ടികയിൽ പേരില്ലെന്ന് കണ്ടെത്തിയതാണ് സ്ഥാനാർത്ഥി മാറ്റത്തിന് കാരണമായത്. ചങ്ങനാശ്ശേരി മണ്ഡലത്തിലാണ് തനിക്ക് വോട്ടെന്ന ധാരണയിലായിരുന്നു വീണ പ്രചാരണരം​ഗത്ത് സജീവമായത്. എന്നാൽ പട്ടികയിൽ പേരില്ലെന്ന് വ്യക്തമായതോടെ താരം പിന്മാറുകയായിരുന്നു.

ALSO READ: സ്ഥാനാർഥി നിർണ്ണയത്തിൽ വഴിമുട്ടി കോൺഗ്രസ്; പത്രിക സമർപ്പിക്കാൻ ഇനി വെറും രണ്ട് ദിനം

ട്വന്റി20ക്ക് പുറമെ എൻഡിഎയിലും സ്ഥാനാർത്ഥി മാറ്റമുണ്ടായി. പെരുമ്പാവൂർ മണ്ഡലത്തിൽ പ്രഖ്യാപിച്ചിരുന്ന നടി ലക്ഷ്മിപ്രിയക്ക് പകരം മുൻ കോൺഗ്രസ് നേതാവ് ജിബി പാത്തിക്കലാണ് എൻഡിഎ സ്ഥാനാർത്ഥിയാകും. 

ലക്ഷ്മിപ്രിയയുടെ പേര് നേരത്തെ പ്രഖ്യാപിച്ചിരുന്നെങ്കിലും കഴിഞ്ഞ ദിവസം നിശ്ചയിച്ചിരുന്ന റോഡ്ഷോയിൽ താരം പങ്കെടുത്തിരുന്നില്ല. ഇതിന് പിന്നാലെയാണ് ബിജെപി മണ്ഡലത്തിൽ പുതിയ സ്ഥാനാർത്ഥിയെ പ്രഖ്യാപിച്ചത്.

Twenty20 has announced dancer Athira D. Nair as its candidate for Ettumanoor, replacing actress Veena Nair who withdrew due to voter list issues. Sunny Kaduthazhe, MD of Milwaukee Academy, will contest in Muvattupuzha ¹.