ആലുവ: യുവാവ് പ്രണയനൈരാശ്യം തീര്‍ത്തത് വന്ദേഭാരതിന് കല്ലെറിഞ്ഞ്. സംഭവത്തില്‍ അങ്കമാലി പാറക്കടവ് പോപ്പുള്ളിവീട്ടില്‍ സുജിത് സുരേഷിനെ (19) ആലുവ റെയില്‍വേ പൊലീസ് പിടികൂടി. വന്ദേഭാരതിന്റെ പുറത്തുള്ള സി.സി.ടി.വി. ക്യാമറകളിലെ ദൃശ്യങ്ങള്‍ പരിശോധിച്ചാണ് പ്രതിയെ പിടികൂടിയത്.

ഈ മാസം ഏഴിന് രാവിലെ 7.15-ഓടെ നെടുമ്പാശ്ശേരി എയര്‍പോര്‍ട്ടിനടുത്ത് അകപ്പറമ്പ് റെയില്‍വേ ഗേറ്റിനുസമീപമാണ് വന്ദേഭാരതിനുനേരേ കല്ലേറുണ്ടായത്. പ്രണയനൈരാശ്യം മൂലമാണ് കല്ലെറിഞ്ഞതെന്ന് യുവാവ് പറഞ്ഞതായി പൊലീസ് പറഞ്ഞു. 

ALSO READ: ഡോ. വന്ദന ദാസ് വധക്കേസ്: പ്രതി സന്ദീപിന്റെ ശിക്ഷാവിധി നാളെ; വധശിക്ഷ നൽകണമെന്ന് പ്രോസിക്യൂഷൻ

തിരുവനന്തപുരത്തു നിന്ന് മംഗലാപുരത്തേക്ക് പോകുകയായിരുന്ന വന്ദേഭാരതിനുനേരേയാണ് ഇയാള്‍ കല്ലെറിഞ്ഞത്. മൂന്നുവട്ടം കല്ലെറിഞ്ഞു. കല്ലേറില്‍ ചില്ലുകള്‍ തകര്‍ന്നിട്ടുണ്ട്. ഇന്ത്യന്‍ റെയില്‍വേ നിയമം 153 പ്രകാരം ജാമ്യമില്ലാ വകുപ്പിലാണ് കേസെടുത്തത്. പ്രതിയുമായി പൊലിസ് തെളിവെടുപ്പ് നടത്തി.

A young man was arrested after allegedly pelting stones at a Vande Bharat train, reportedly venting his frustration following a failed romantic relationship. The incident caused concern over passenger safety and damage to public property.