ആലപ്പുഴ: കായംകുളത്ത് പത്തിരി നിര്‍മാണ യൂണിറ്റില്‍ ഉന്തും തള്ളും. ഓര്‍ഡര്‍ ചെയ്ത പത്തിരി കിട്ടാത്തതിനെത്തുടര്‍ന്നാണ് സംഘര്‍ഷാവസ്ഥയുണ്ടായത്. കായംകുളം മുക്കവലയിലെ റോയല്‍ പത്തിരി യൂണിറ്റിലാണ് സംഭവം. 

പെരുന്നാളിന് മുന്‍കൂട്ടി പത്തിരി ഓര്‍ഡര്‍ ചെയ്ത ആളുകള്‍ക്ക് കൃത്യസമയത്ത് സാധനം ലഭിക്കാത്തതാണ് സംഘര്‍ഷത്തിന് കാരണമായത്. രാവിലെ മുതല്‍ പത്തിരി വാങ്ങാനെത്തിയവരും കടയുടമയും തമ്മിലുണ്ടായ വാക്കുതര്‍ക്കം പിന്നീട് കൈയ്യാങ്കളിയിലേക്ക് നീങ്ങുകയായിരുന്നു. 

ALSO READ: പ്രണയനൈരാശ്യം; വന്ദേഭാരതിന് കല്ലെറിഞ്ഞ് ദേഷ്യം തീര്‍ത്ത് യുവാവ്, അറസ്റ്റില്‍

അപ്രതീക്ഷിതമായി പാചകവാതകം തീര്‍ന്നതിനെ തുടര്‍ന്നാണ് പത്തിരി ഉണ്ടാക്കാന്‍ കഴിയാതെ വന്നത്. ബുക്ക് ചെയ്ത പലര്‍ക്കും പത്തിരി കൊടുക്കാന്‍ കഴിഞ്ഞില്ല.

ഗ്യാസ് സിലിണ്ടറുകള്‍ കൃത്യസമയത്ത് ലഭിക്കാത്തതിനാല്‍ മുന്‍കൂട്ടി നിശ്ചയിച്ച പ്രകാരം പാചകം പൂര്‍ത്തിയാക്കാന്‍ കഴിഞ്ഞില്ലെന്നും, ഇതാണ് ഓര്‍ഡറുകള്‍ വൈകാന്‍ കാരണമെന്നുമാണ് കടയുടമയുടെ വാദം. എന്നാല്‍ പണം മുന്‍കൂട്ടി വാങ്ങിയ ശേഷം വഞ്ചിച്ചുവെന്നാണ് ഉപഭോക്താക്കള്‍ ആരോപിക്കുന്നത്.  കായംകുളം പൊലിസ് സ്ഥലത്തെത്തിയിട്ടുണ്ട്. 

A dispute broke out in Kayamkulam during Eid after a shop failed to deliver ordered pathiri due to a cooking gas shortage. The situation escalated into a scuffle, with people engaging in pushing and shoving over the undelivered food.