വിഷുക്കാലമിങ്ങെത്താറായി. ഇതിന്റെ വരവറിയിച്ച് നാട്ടിലും നഗരത്തിലും കണിക്കൊന്നികളും നേരത്തെ റെഡിയാണ്. കടുത്ത വേനലിലും കണ്ണിന് കുളിര്‍മേകി പൂത്തു നില്‍ക്കുന്ന ഈ മഞ്ഞപൂക്കള്‍ മലയാളിക്ക് സമൃദ്ധിയിലേക്കുള്ള കാഴ്ച്ച കൂടിയാണ്. ജലാശം മണ്ണില്‍ കുറയുമ്പോഴാണ് കൊന്നമരങ്ങള്‍ പൂക്കാറുള്ളത്. ജലാശം കുറയുമ്പോള്‍ ഫ്‌ളോറിജന്‍ ഉത്പാദനം വര്‍ധിക്കുകയും കൊന്ന പൂക്കുകയും ചെയ്യുന്നു. 

കേരളത്തിന്റെ സംസ്ഥാന പുഷ്പമായ കണിക്കൊന്നയെ വര്‍ഷത്തിലൊരിക്കലെ പൂത്തുകാണൂ എന്നിരിക്കെ ഇതിനെ കണി കാണാന്‍ വേണ്ടി മാത്രമാണ് ഉപയോഗിക്കുക എന്ന് വിചാരിക്കുന്നത് തെറ്റാണ്. 

ഫ്ളോറിജന്‍, ഗ്ലൈക്കോസൈഡ്സ്, ആന്ത്രാക്യുനിന്‍, ഫിസ്റ്റുലിക് ആസിഡ്, സെന്നോസൈഡ്സ്, മ്യൂസിലേജ്, പെക്ടിന്‍, ബീറ്റാസ്റ്റിറോള്‍, ഹെക്സാകോസനോള്‍ തുടങ്ങിയ പല ഘടകങ്ങളും അടങ്ങിയ കണിക്കൊന്ന ആയുര്‍വേദപ്രകാരം വാത, പിത്ത, കഫദോഷങ്ങള്‍ ബാലന്‍സ് ചെയ്യാന്‍ പറ്റിയ ഔഷധമായാണ് കണക്കാക്കപ്പെടുന്നത്. ശീതവീര്യമായ കണിക്കൊന്ന തൊലിപ്പുറത്തെ രോഗങ്ങളെ അകറ്റാന്‍ അത്യുത്തമമായി കണക്കാക്കപ്പെടുന്നു. ചര്‍മ്മ സംരക്ഷണത്തിന് കണിക്കൊന്ന കാച്ചിയ എണ്ണ ഉപയോഗിക്കുന്നത് നല്ലതാണെന്ന് പഠനങ്ങള്‍ തെളിയിച്ചിട്ടുണ്ട്.

ALSO READ: കറിവേപ്പിലയിലെ 'വിഷം' പേടിക്കണ്ട; ഇതിലെ കീടനാശിനികള്‍ നീക്കം ചെയ്യാന്‍ ചില എളുപ്പവഴികള്‍

കണിക്കൊന്നയുടെ മരത്തിന്റെ തൊലി ഉപയോഗിച്ച് ഉണ്ടാക്കുന്ന കഷായം പലതരത്തിലുള്ള ത്വക്ക് രോഗങ്ങള്‍ക്കും ഫലപ്രദമാണ്. ഇതിന്റെ എണ്ണ ഉണ്ടാക്കി പുരട്ടുന്നതും നല്ല ഫലം ചെയ്യും. 

വയറിന്റെ ആരോഗ്യത്തിനും കണിക്കൊന്ന ഉത്തമമാണ്. വയറുവേദനയ്ക്ക് കണിക്കൊന്നയുടെ കഷായം നല്ലതാണ്. ഇതിന്റെ കായയ്ക്കുളളിലെ കാമ്പെടുത്ത് കുരു നീക്കി പാലിലിട്ട് കാച്ചി കുടിയ്ക്കുന്നത് നല്ലതാണ്. വയറ്റിലെ അള്‍സര്‍ പോലുള്ള അവസ്ഥകള്‍ക്ക് പരിഹാരം കൂടിയാണ് ഇത്. ഇതിന്റെ പൂവ് ഇതിനായി ഉപയോഗിച്ചു വരുന്നു.

കൊന്നക്കുരു അമീബിയാസിസ് എന്ന രോഗത്തിന് മരുന്നാണ്. മലബന്ധം നീക്കാനും ഇതേറെ നല്ലതാണ്. കൂടാതെ തടി കുറയ്ക്കുന്നതിനും കണിക്കൊന്ന സഹായിക്കാറുണ്ട്. ഇതിന്റെ തളിരില മോരില്‍ അരച്ച് കലക്കി കുടിയ്ക്കുന്നത് തടി കുറയ്ക്കാന്‍ നല്ലതാണ്. ഇതിന്റെ തോല്‍ ചതച്ച് പുരട്ടുന്നത് വേദനയുള്ള ഭാഗങ്ങളിലെ പരിഹാരത്തിനും നീരു പോകാനുമെല്ലാം ഏറെ നല്ലതാണ്.പൂവേ അരച്ചുകഴിച്ചാല്‍ പുളിച്ചുതികട്ടലിനും വയറിലെ അള്‍സര്‍ മാറാനും നല്ലതാണെന്നും പറയുന്നു. 

Cassia fistula, commonly known as kanikkonna, is not just used for decoration during festivals but also has several medicinal benefits. In traditional Ayurvedic practices, it is known to aid in weight management and help relieve stomach pain.