ന്യൂഡല്‍ഹി: രാജ്യത്ത് ആദ്യമായി ദയാവധത്തിന് അനുമതി ലഭിച്ച യുപി സ്വദേശി ഹരീഷ് റാണ അന്തരിച്ചു. ഡല്‍ഹി എയിംസില്‍ വെച്ച് 32ാം വയസിലാണ് റാണ ലോകത്തോട് വിടപറഞ്ഞത്. മാര്‍ച്ച് 11ന് സുപ്രീം കോടതി അനുമതി നല്‍കിയതിന് പിന്നാലെയാണ് റാണയുടെ ദയാവധം നടപ്പാക്കിയത്. 

13 വര്‍ഷം കോമയില്‍ കഴിഞ്ഞ തന്റെ മകന് ദയാവധം അനുവദിക്കണമെന്ന് ആവശ്യപ്പെട്ട് പിതാവ് കോടതിയെ സമീപിച്ചിരുന്നു. കോടതി വിധിയെ തുടര്‍ന്ന് മാര്‍ച്ച് 16ന് ഹരീഷ് റാണയെ ഡല്‍ഹി എയിംസിലേക്ക് മാറ്റി. ഇവിടെ വെച്ചാണ് ജീവന്‍ രക്ഷാ ഉപകരണങ്ങള്‍ ഘട്ടംഘട്ടമായി നീക്കം ചെയ്ത് ദയാവധം നടപ്പാക്കിയത്. ഇതോടെ രാജ്യത്ത് ആദ്യമായി നിഷ്‌ക്രിയ ദയാവധത്തിന് വിധേയനായ വ്യക്തിയായി ഹരീഷ് റാണ. 

ALSO READ: സിനിമ സെറ്റിൽ വെച്ച് പലതവണ ശരീരത്തിൽ കയറിപ്പിടിച്ചു'; സംവിധായകൻ സനോജ് മിശ്രയ്‌ക്കെതിരെ ലൈംഗികാതിക്രമ ആരോപണവുമായി മൊണാലിസ 

ദയാവധത്തിന് അനുമതി തേടിയുള്ള കേസുകളില്‍ രോഗിക്ക് മരണമാണോ നല്ലത് എന്നതല്ല, മറിച്ച് ജീവന്‍ നിലനിര്‍ത്തുന്ന ചികിത്സ തുടരുന്നത് രോഗിയുടെ നന്മക്കായാണോ എന്നതാണെന്ന് കോടതി ചൂണ്ടിക്കാട്ടിയിരുന്നു. തുടര്‍ന്നാണ് ജസ്റ്റിസുമാരായ ജെ.ബി പര്‍ദിവാല, കെ.വി വിശ്വനാഥന്‍ എന്നിവരടങ്ങിയ ബെഞ്ച് നിഷ്‌ക്രിയ ദയാവധത്തിന് അനുമതി നല്‍കിയത്. മാന്യമായി മരിക്കാനുള്ള എല്ലാ അവസരങ്ങളും റാണയ്ക്ക് നല്‍കുന്നതിന് കൃത്യമായ പദ്ധതിയുണ്ടാക്കണമെന്ന് കോടതി നിര്‍ദേശിച്ചിരുന്നു. 

2013ല്‍ പഞ്ചാബ് യൂനിവേഴ്‌സിറ്റിയില്‍ ബിരുദ വിദ്യാര്‍ഥിയായിരിക്കെ താമസിക്കുന്ന കെട്ടിടത്തിന്റെ നാലാം നിലയില്‍ നിന്ന് വീണാണ് റാണയ്ക്ക് ഗുരുതര പരിക്കേറ്റത്. അന്നുമുതല്‍ അബോധാവസ്ഥയിലായിരുന്ന റാണ സുഖം പ്രാപിക്കാനോ, ജീവിതത്തിലേക്ക് തിരിച്ചുവരാനോ സാധ്യത ഇല്ലെന്ന് ഡോക്ടര്‍മാര്‍ വിധിയെഴുതിയിരുന്നു. ആശുപത്രികള്‍ കൈയാഴിഞ്ഞതോടെ റാണയെ വര്‍ഷങ്ങളായി കുടുംബം വീട്ടില്‍ തന്നെ പരിചരിച്ച് വരികയായിരുന്നു. ചികിത്സ കൊണ്ട് ഫലിക്കില്ലെന്ന തീരുമാനത്തിന് പിന്നാലെയാണ് മകന് അന്തസായി മരിക്കാനുള്ള അനുമതി തേടി പിതാവ് കോടതിയെ സമീപിച്ചത്.

Harish Rana, a native of Uttar Pradesh and the first person in the country to receive permission for euthanasia, has passed away. He died at the age of 32 at AIIMS in Delhi. His euthanasia was carried out after the Supreme Court granted permission on March 11.