ഷാർജ: ജോലിസ്ഥലത്തുണ്ടായ തർക്കത്തിനിടെ മലയാളി യുവാവ് കുത്തേറ്റ് മരിച്ചു. കോഴിക്കോട് താമരശ്ശേരി ചാലക്കര സ്വദേശി നിഷാദ് ആണ് മരിച്ചത്. സംഭവത്തിൽ നിഷാദിന്റെ സഹപ്രവർത്തകനായ ഷമീറിനെ ഷാർജ പൊലിസ് കസ്റ്റഡിയിലെടുത്തു. കരുവമ്പൊയിൽ സ്വദേശിയാണ് ഷമീർ. ഷാർജയിലെ ഒരു കഫറ്റീരിയയിൽ ദീർഘകാലമായി ഒരുമിച്ച് ജോലി ചെയ്തുവരികയായിരുന്നു നിഷാദും ഷമീറും. സംഭവത്തിൽ അന്വേഷണം ആരംഭിച്ചിട്ടുണ്ടെന്ന് പൊലിസ് വ്യക്തമാക്കി.