കണ്ണൂര്‍: പയ്യന്നൂരില്‍ എം.ഡി.എം.എയും ഹാഷിഷ് ഓയിലുമായി ദമ്പതികളടക്കം മൂന്ന് പേരെ പൊലീസ് അറസ്റ്റ് ചെയ്തു. ചാലാട് സ്വദേശി നാദീര്‍ നൂറുദ്ദീന്‍(41), ഭാര്യ ഐന(33), നടാല്‍ സ്വദേശി ഷാനിദ് കെ (36)എന്നിവരാണ് പൊലിസ് പിടിയിലായത്. 

ഇവരില്‍ നിന്നും 41 ഗ്രാം എം.ഡി.എം.എയും 241 മില്ലി ഹാഷിഷ് ഓയിലും കണ്ടെടുത്തു. വെള്ളിയാഴ്ച്ച രാത്രി പത്തരയോടെ വെള്ളൂര്‍ കണ്ടോത്ത് കുറുംബ ക്ഷേത്രത്തിന് സമീപത്തുവെച്ചാണ് സംഭവം. 

തെരഞ്ഞെടുപ്പിനോടനുബന്ധിച്ച് പൊലിസ് നടത്തിയ രാത്രികാല പരിശോധനയിലാണ് കാറില്‍ കടത്തുകയായിരുന്ന ലഹരിമരുന്നുകളുമായി പ്രതികള്‍ പിടിയിലായത്.

ഇവര്‍ സഞ്ചരിച്ച കാറിന് പൊലിസ് കൈകാണിച്ചെങ്കിലും അമിത വേഗതയില്‍ മുന്നോട്ട് കുതിച്ച കാര്‍ പിന്തുടര്‍ന്നാണ് പ്രതികളെ കീഴടക്കിയത്. പ്രതികള്‍ക്കെതിരെ ലഹരിമരുന്ന വിരുദ്ധ നിയമപ്രകാരം കേസെടുത്ത് അന്വേഷണം ആരംഭിച്ചു. 

In a major drug bust in Payyannur, police seized MDMA and hashish oil from a car and arrested three individuals, including a couple. The operation was carried out based on intelligence inputs, leading to the interception of the vehicle and recovery of the contraband.