തിരുവനന്തപുരം: 'പോറ്റിയെ കേറ്റിയേ' പാരഡി പാട്ട് പാടി പ്രചാരണം നടത്തിയ റാന്നിയിലെ യു.ഡി.എഫ് സ്ഥാനാര്‍ഥി പഴകുളം മധുവിനെതിരെ പരാതി. ഗാനം പ്രചരിപ്പിച്ചത് ചട്ടലംഘനമാണെന്ന് ചൂണ്ടിക്കാട്ടി തിരുവാഭരണ പാത സംരക്ഷണ സമിതി ജനറല്‍ സെക്രട്ടറി പ്രസാദ് കുഴിക്കാലയാണ് തെരഞ്ഞെടുപ്പ് കമ്മിഷനെ സമീപിച്ചത്. 

പ്രസാദ് കുഴിക്കാല മുന്‍പും 'പോറ്റിയേ കേറ്റിയേ' ഗാനത്തിനെതിരെ രംഗത്തുവന്നിട്ടുള്ള വ്യക്തിയാണ്. പാരഡി ഗാനം പാടി മതവികാരം പ്രണപ്പെടുത്താനും ഇതിലൂടെ വോട്ട് പിടിക്കാനുമാണ് സ്ഥാനാര്‍ഥിയുടെ ലക്ഷ്യമെന്നാണ് പരാതിയില്‍ പറയുന്നത്. ഈ പാട്ട് പാടിയുള്ള പ്രചാരണം ശരിയല്ല. ഈ പാട്ട് പ്രചാരണത്തിന് ഉപയോഗിക്കാന്‍ പാടില്ലെന്നും പ്രസാദ് കുഴിക്കാല പരാതിയില്‍ പറയുന്നു.

അതേസമയം, താന്‍ ഒരു മതവികാരവും വ്രണപ്പെടുത്തിയിട്ടില്ലെന്നും ശബരിമലയിലെ സ്വര്‍ണക്കൊള്ള പ്രചാരണവേളയില്‍ ഉന്നയിക്കുമെന്നും ഈ പാരഡി പാട്ട് ഇനിയും പാടുമെന്നും പഴകുളം മധു പറഞ്ഞു.

A complaint has been filed with the Election Commission against UDF candidate Pazhakulam Madhu over the use of a controversial song during election campaigning. The allegation states that the campaign included the song “Pottiye Kettiye,” which has raised concerns regarding possible violations of election guidelines.