തിരുവനന്തപുരം: മുഖ്യമന്ത്രിയെ തീരുമാനിക്കാനായി കോണ്‍ഗ്രസില്‍ ചര്‍ച്ചകള്‍ സജീവം. ഘടകകക്ഷികളെ കൂടെ നിര്‍ത്തി വി ഡി സതീശന്‍ വിഭാഗവും, അനുഭവപരിചയം പറഞ്ഞ് രമേശ് ചെന്നിത്തലയെ അനുകൂലിക്കുന്നവരും മുഖ്യമന്ത്രിസ്ഥാനത്തിനായി ശ്രമം നടത്തുന്നുണ്ട്.

മുഖ്യമന്ത്രിക്കാര്യത്തില്‍ തീരുമാനം ഉടനെന്ന് കെ സി വേണുഗോപാലും പാര്‍ട്ടി പറയുംപോലെ പ്രവര്‍ത്തിക്കുമെന്ന് വി ഡി സതീശനും പ്രതികരിച്ചു.

അതേസമയം ചര്‍ച്ചയ്ക്കായി ഡല്‍ഹിയിലെത്തി കെ.സി വേണുഗോപാല്‍. എ ഐ സി സി അധ്യക്ഷന്‍ മല്ലികാര്‍ജുന്‍ ഖര്‍ഗെയുടെ ഡല്‍ഹിയിലെ വസതിയിലാണ് നിര്‍ണായക യോഗം. രാഹുല്‍ ഗാന്ധിയും യോഗത്തില്‍ പങ്കെടുക്കുന്നുണ്ട്. 

കെ.സി വേണുഗോപാലിന് ഡല്‍ഹി വിമാനത്താവളത്തില്‍ വന്‍ സ്വീകരണമാണ് പ്രവര്‍ത്തകര്‍ ഒരുക്കിയത്.