പാലക്കാട്: ദലിത് യുവതിയെ ലൈംഗികമായി പീഡിപ്പിച്ചെന്ന പരാതിയില്‍ പ്രതിയായ പാലക്കാട് നഗരസഭാ കൗണ്‍സിലര്‍ പ്രശോഭ് വി. വത്സന്‍ ഒളിവില്‍. പ്രതി കേരളം വിട്ടതായാണ് പൊലിസിന്റെ പ്രാഥമിക നിഗമനം. ജോലി വാഗ്ദാനം ചെയ്ത് പീഡിപ്പിച്ചു എന്ന യുവതിയുടെ പരാതിയില്‍ ബലാത്സംഗം, പട്ടികജാതി-വര്‍ഗ പീഡന നിരോധന നിയമം (SC/ST Act) എന്നീ വകുപ്പുകള്‍ ചുമത്തിയാണ് കേസെടുത്തിരിക്കുന്നത്.

മുഖ്യമന്ത്രിക്കും ജില്ലാ പൊലിസ് മേധാവിക്കും നല്‍കിയ പരാതിയെത്തുടര്‍ന്ന് യുവതിയുടെ മൊഴി രേഖപ്പെടുത്തിയ ശേഷമാണ് നടപടി. താമസസ്ഥലത്തെത്തി പീഡിപ്പിച്ചെന്നും ഉന്നത കോണ്‍ഗ്രസ് നേതാക്കളുമായുള്ള ബന്ധം പറഞ്ഞ് ഭീഷണിപ്പെടുത്തിയെന്നും യുവതി മൊഴി നല്‍കിയിട്ടുണ്ട്. പ്രതി മുന്‍കൂര്‍ ജാമ്യത്തിനായി ശ്രമം തുടങ്ങിയതായും സൂചനയുണ്ട്.

അതേസമയം, സംഭവത്തെത്തുടര്‍ന്ന് കോണ്‍ഗ്രസ് പാര്‍ട്ടിയില്‍ നിന്ന് പ്രശോഭിനെ പുറത്താക്കി. ധാര്‍മികതയുണ്ടെങ്കില്‍ കൗണ്‍സിലര്‍ സ്ഥാനം രാജിവയ്ക്കണമെന്ന് ഡിസിസി നേതൃത്വം ആവശ്യപ്പെട്ടു. പീഡനാരോപണം തെരഞ്ഞെടുപ്പിനെ ബാധിക്കില്ലെന്നും ഇരയായ പെണ്‍കുട്ടിക്ക് നീതി ലഭിക്കണമെന്നും യുഡിഎഫ് സ്ഥാനാര്‍ഥി രമേഷ് പിഷാരടി പ്രതികരിച്ചു. രാഷ്ട്രീയ വിവാദങ്ങള്‍ക്കിടെ പ്രതിയെ പിടികൂടാനുള്ള അന്വേഷണം പൊലിസ് ഊര്‍ജിതമാക്കിയിരിക്കുകയാണ്.

Police have intensified the search for Palakkad municipal councillor Prashobh V. Valsan, who is reportedly absconding after being booked under rape charges and the SC/ST Act for allegedly sexually assaulting a Dalit woman under the pretext of offering a job.