തിരുവനന്തപുരം:  നിയമസഭ തെരഞ്ഞെടുപ്പിലെ പ്രകട പത്രികയിലെ ഒരുഭാഗം തിരുത്തി എല്‍ഡിഎഫ്. നം, പരിസ്ഥിതി സംരക്ഷണവുമായി ബന്ധപ്പെട്ട മൂന്ന് വിവാദ ഖണ്ഡികകളാണ് തിരുത്തിയിരിക്കുന്നത്.

വനത്തിന് ബഫര്‍സോണ്‍ ഉണ്ടാക്കി നിയന്ത്രണങ്ങള്‍ കര്‍ശനമാക്കും എന്നത് ഒഴിവാക്കി. സംരക്ഷിത വനമേഖലകളിലും കോര്‍സോണിന് ചുറ്റും ബഫര്‍സോണ്‍ ഉണ്ടാക്കി നിയന്ത്രണങ്ങള്‍ കര്‍ശനമാക്കും എന്നത് ഒഴിവാക്കി. കൂടാതെ മുഴുവന്‍ ഏകവിള തോട്ടങ്ങളെയും സ്വാഭാവിക വനങ്ങള്‍ ആക്കി മാറ്റാന്‍ ഇക്കോ റെസ്റ്റോറേഷന്‍ നടപ്പിലാക്കും എന്നതും ഒഴിവാക്കിയിട്ടുണ്ട്. 

ബഫര്‍സോണ്‍ സംബന്ധിച്ച് ജനഹിതം മുന്‍നിര്‍ത്തി സംസ്ഥാന സര്‍ക്കാര്‍ നിര്‍ദേശങ്ങള്‍ കേന്ദ്രസര്‍ക്കാര്‍ മുന്നില്‍ അവതരിപ്പിക്കും എന്നാണ് തിരുത്തിയെഴുതിയത്. ബഫര്‍സോണില്‍ പ്രദേശവാസികളെ വിശ്വാസത്തില്‍ എടുത്തുകൊണ്ട് മാത്രം നിയന്ത്രണങ്ങളെന്നും മാറ്റമുണ്ട്. സംസ്ഥാന നിയമസഭ പാസാക്കിയ വനം വന്യജീവി സംരക്ഷണ ഭേദഗതി ബില്ലിന് രാഷ്ട്രപതിയുടെ അംഗീകാരം നേടിയെടുക്കാന്‍ ശ്രമിക്കുമെന്നും കൂട്ടിച്ചേര്‍ത്തു.

അതേസമയം മലയോര മേഖലകളില്‍ പ്രകടനപത്രിക വിവാദമാകുന്നതിനിടെയാണ് എല്‍ഡിഎഫ് തിരുത്തല്‍ നടത്തിയത്.