കോഡൂര്‍: നിത്യരോഗത്താല്‍ വീടുകളില്‍ കിടപ്പിലായ രോഗികള്‍ക്ക് ഓണക്കോടിയുമായി എന്‍.എസ്.എസ് വളണ്ടിയര്‍മാരെത്തി. ചെമ്മങ്കടവ് പി.എം.എസ്.എ.എം.എ ഹയര്‍സെക്കന്‍ഡറി സ്‌കൂളിലെ എന്‍.എസ്.എസ് വളണ്ടിയര്‍മാരാണ് സ്‌കൂളിനു സമീപ പ്രദേശങ്ങളിലുള്ള നിര്‍ധനരായ മുഴുവന്‍ നിത്യരോഗികളെയും സന്ദര്‍ശിച്ച് ഓണക്കോടികള്‍ കൈമാറിയത്.
വിതരണോദ്ഘാടനം പി.ടി.എ പ്രസിഡന്റ് എന്‍. കുഞ്ഞീതു നിര്‍വഹിച്ചു.
പ്രിന്‍സിപ്പല്‍ കെ.ജി പ്രസാദ്, എന്‍.എസ്.എസ് പ്രോഗ്രാം ഓഫിസര്‍ എന്‍.കെ ഹഫ്‌സല്‍ റഹ്മാന്‍, മാനേജര്‍ എന്‍.കെ കുഞ്ഞിമുഹമ്മദ്, എന്‍.എസ്.എസ് ഗ്രൂപ്പ് ലീഡര്‍മാരായ ഹംറാസ് മുഹമ്മദ് പാറമ്മല്‍, എ.കെ മുഹമ്മദ് ഷബീറലി, ഫത്തിമ ഷെറിന്‍, ശഹാന നേതൃത്വം നല്‍കി.