ന്യൂഡല്‍ഹി: വനിതാ സംവരണ ഭേദഗതി ബില്‍ ചര്‍ച്ച ചെയ്യാനുള്ള പാര്‍ലമെന്റിന്റെ മൂന്ന് ദിവസത്തെ സമ്മേളനത്തിന് ഇന്ന് തുടക്കമായി. ബില്ല സഭയില്‍ അവതരിപ്പിച്ചു. മൂന്ന് ബില്ലുകളാണ് സഭയില്‍ അവതരിപ്പിച്ചിരിക്കുന്നത്. നാളെ വൈകുന്നേരം നാല് മണിക്കാണ് വോട്ടെടുപ്പ്. അതുവരെ ബില്ലില്‍ ചര്‍ച്ച വേണമെങ്കില്‍ സമയം നീട്ടാമെന്നും സ്പീക്കര്‍ അറിയിച്ചു. 

മണ്ഡല പുനര്‍നിര്‍ണയ ബില്ലും സഭയില്‍ അവതരിപ്പിച്ചു. 

ALSO READ: 'ചെറുത്ത് നിൽപിന്റെ ജ്വാലകൾ പടരട്ടെ, ഫാസിസ്റ്റ് ബി.ജെ.പിയുടെ ധാർഷ്ട്യം അണയട്ടെ'  മണ്ഡല പുനർനിർണയ നീക്കത്തിനെതിരെ തമിഴ്‌നാട്ടിൽ കരിദിനാചരണത്തിന് തുടക്കമിട്ട് സ്റ്റാലിൻ

മൂന്ന് ബില്ലിലും ചര്‍ച്ച ഒരുമിച്ച് വേണമെന്ന് കേന്ദ്രം ആവശ്യപ്പെട്ടു. എന്നാല്‍ എതിര്‍പ്പുമായി പ്രതിപക്ഷം രംഗത്തെത്തി. ബില്ലിനോട് സഹകരിക്കില്ലെന്ന കാര്യം പ്രതിപക്ഷം നേരത്തെ വ്യക്തമാക്കിയിരുന്നു. 

കേന്ദ്ര സര്‍ക്കാര്‍ അവതരിപ്പിച്ച മണ്ഡല പുനര്‍ നിര്‍ണയ ബില്ലിനെ എതിര്‍ക്കുന്നവെന്ന് എഐസിസി ജനറല്‍ സെക്രട്ടറി കെ.സി വേണുഗോപാല്‍ ലോക്‌സഭയില്‍ ചൂണ്ടിക്കാട്ടി. 

'ഇന്ത്യന്‍ ഭരണഘടനയെ ഹൈജാക്ക് ചെയ്യാനുള്ള നീക്കമാണിത്. രാജ്യത്തിന്റെ ഫെഡറല്‍ തത്വത്തിന് നേരെയുള്ള ആക്രമണമാണിത്. 2029ല്‍ പരാജയം മറികടക്കാനുള്ള ശ്രമമാണ് ബില്‍. ഇത് പിന്‍വലിക്കണം' വേണുഗോപാല്‍ സഭയില്‍ ആവശ്യപ്പെട്ടു. 

ലോക്‌സഭയിലും നിയമസഭകളിലും വനിതകള്‍ക്ക് 33 ശതമാനം സംവരണം ഉറപ്പാക്കുന്ന ബില്‍ 2023ല്‍ ഇരുസഭകളും പാസാക്കിയിരുന്നു. ഇപ്പോള്‍ കേന്ദ്രം നടത്തുന്നത് ഭരണഘടനയെ അട്ടിമറിക്കാനുള്ള ശ്രമമാണെന്നും വേണുഗോപാല്‍ ആരോപിച്ചു.

a three day parliament session begins in new delhi to discuss key bills including women reservation and delimitation. opposition parties protest against the proposals, calling them a threat to federal principles.