ദോഹ: 2026ലെ ഖത്തർ കപ്പ് ഫുട്ബോൾ ടൂർണമെൻ്റ് മാറ്റിവെക്കാൻ ഖത്തർ സ്റ്റാർസ് ലീഗ് (ക്യു.എസ്.എൽ) തീരുമാനിച്ചു. 2026-2027 സീസൺ കലണ്ടറിലായിരിക്കും ഈ ടൂർണമെൻ്റ് ഇനി ഉൾപ്പെടുത്തുകയെന്ന് അധികൃതർ വ്യക്തമാക്കി.

ബന്ധപ്പെട്ടവരുമായി നടത്തിയ ചർച്ചകൾക്ക് ശേഷമാണ് ഖത്തർ സ്റ്റാർസ് ലീഗ് ഈ തീരുമാനമെടുത്തത്. നിലവിലെ 2025-2026 സീസണിലെ അവശേഷിക്കുന്ന മത്സരങ്ങളുടെ ക്രമം അധികൃതർ വിലയിരുത്തിയിരുന്നു. മുൻകൂട്ടി നിശ്ചയിക്കാത്ത നിരവധി ഇടവേളകൾ നിലവിലെ സീസണിൽ ആവശ്യമായി വന്നതാണ് പ്രധാന കാരണം.

ഇതിന് പുറമെ, ഖത്തർ ക്ലബ്ബുകൾ വിവിധ അന്താരാഷ്ട്ര ചാമ്പ്യൻഷിപ്പുകളിൽ പങ്കെടുക്കുന്നതും, ഖത്തർ ദേശീയ ടീമിന്റെ ഫുട്ബോൾ മത്സരങ്ങളും പരിഗണിച്ചാണ് ഖത്തർ കപ്പ് അടുത്ത സീസണിലേക്ക് മാറ്റാൻ അധികൃതർ തീരുമാനിച്ചത്. 

English summary : The Qatar Stars League (QSL) has decided to postpone the 2026 Qatar Cup, moving it to the upcoming 2026-2027 season calendar.