തൃശ്ശൂർ: മുണ്ടത്തിക്കോട് വെടിക്കെട്ട് നിർമ്മാണശാലയിലുണ്ടായ സ്ഫോടനത്തിൽ 13 പേർ മരിച്ച സാഹചര്യത്തിൽ, ഇത്തവണത്തെ തൃശ്ശൂർ പൂരം ആർഭാടങ്ങളില്ലാതെ നടത്താൻ ആലോചന. പൂരത്തിന്റെ പ്രധാന ആകർഷണമായ വെടിക്കെട്ട് പൂർണ്ണമായും ഒഴിവാക്കുന്ന കാര്യത്തിലും ഗൗരവമായ ചർച്ചകൾ നടക്കുകയാണ്. ഇക്കാര്യത്തിൽ കേന്ദ്ര-സംസ്ഥാന സർക്കാരുകളുടെ നിലപാട് അറിഞ്ഞശേഷം അന്തിമ തീരുമാനമെടുക്കാമെന്ന നിലപാടിലാണ് തിരുവമ്പാടി-പാറമേക്കാവ് ദേവസ്വങ്ങൾ.

ALSO READ: മുണ്ടത്തിക്കോട് വെടിക്കെട്ട് ദുരന്തം: മൃതദേഹങ്ങൾക്കായി കഡാവർ നായ്ക്കളെ ഉപയോഗിച്ച് തിരച്ചിൽ ആരംഭിച്ചു; വിദഗ്ധ ഡോക്ടർമാരുടെ സംഘം തൃശ്ശൂരിലെത്തി

വെടിക്കെട്ട് ഒഴിവാക്കണമെന്ന് സർക്കാരിന്റെ ഭാഗത്തുനിന്ന് നിർദ്ദേശമുണ്ടായാൽ ദേവസ്വങ്ങൾ അത് അംഗീകരിച്ചേക്കും. തിരുവമ്പാടി ദേവസ്വം ഇക്കാര്യത്തിൽ പാറമേക്കാവ് ദേവസ്വവുമായി ചർച്ചകൾ നടത്തും. മരിച്ചവരുടെ സംസ്കാര ചടങ്ങുകൾക്കും പരുക്കേറ്റവർക്ക് അടിയന്തര സഹായം എത്തിക്കുന്നതിനുമാണ് നിലവിൽ ദേവസ്വം വൃത്തങ്ങൾ മുൻഗണന നൽകുന്നത്.

ALSO READ: വാൽപ്പാറ അപകടം: മരണസംഖ്യ 10 ആയി; ചികിത്സയിലായിരുന്ന ഡ്രൈവർ നൗഷാദ് അലി മരിച്ചു; മരണം ചികിത്സാ പിഴവ് മൂലമെന്ന് കുടുംബം

വെടിക്കെട്ട് സാമഗ്രികൾ ഒരുക്കുന്നതിനിടെയുണ്ടായ സ്ഫോടനത്തിൽ ജീവൻ നഷ്ടമായ 13 പേരിൽ ആറ് പേരെ മാത്രമാണ് നിലവിൽ തിരിച്ചറിഞ്ഞിട്ടുള്ളത്. മറ്റുള്ളവരുടെ ശരീരഭാഗങ്ങൾ തിരിച്ചറിയാനാകാത്ത വിധം തകർന്ന നിലയിലാണ്.

"മരിച്ചവരുടെ വ്യക്തിത്വം ഉറപ്പുവരുത്തുന്നതിനായി ഡിഎൻഎ (DNA) പരിശോധന ഇന്ന് ആരംഭിക്കും. രാജീവ് ഗാന്ധി ഇൻസ്റ്റിറ്റ്യൂട്ട് ഓഫ് ബയോടെക്നോളജിയിലെ വിദഗ്ധർ സാമ്പിളുകൾ ശേഖരിക്കാൻ എത്തും."

മറ്റ് മെഡിക്കൽ കോളേജുകളിൽ നിന്നുള്ള വിദഗ്ധ ഡോക്ടർമാർ തൃശ്ശൂർ മെഡിക്കൽ കോളേജിൽ എത്തും. നിലവിൽ 13 പേരാണ് വിവിധ ആശുപത്രികളിലായി ചികിത്സയിൽ കഴിയുന്നത്. ഇവരിൽ ചിലരുടെ നില അതീവ ഗുരുതരമായി തുടരുന്നു. മുണ്ടത്തിക്കോട് സംഭവിച്ച അപ്രതീക്ഷിത ദുരന്തത്തിന്റെ ആഘാതത്തിലാണ് തൃശ്ശൂർ നഗരവും പൂരപ്രേമികളും. സർക്കാരിന്റെ ഭാഗത്തുനിന്നുള്ള ഔദ്യോഗിക അറിയിപ്പിനായി കാത്തിരിക്കുകയാണ് പൂരക്കമ്മിറ്റികൾ.

Following the tragic explosion at the Mundathikkode firework manufacturing unit that claimed 13 lives, the Thiruvanambadi and Paramekkavu Devaswoms are considering conducting the Thrissur Pooram without the traditional fireworks display.