ഇടുക്കി: വീടിന് സമീപത്ത് വെച്ച് പാമ്പുകടിയേറ്റ് വീട്ടമ്മയ്ക്ക് ദാരുണാന്ത്യം. കാഞ്ഞാർ സ്വദേശിനി വിശാലാക്ഷി (75) ആണ് മരിച്ചത്. ശനിയാഴ്ച വൈകുന്നേരത്തോടെയായിരുന്നു സംഭവം.

വീട്ടുമുറ്റത്ത് നിൽക്കുന്നതിനിടെയാണ് വിശാലാക്ഷിക്ക് പാമ്പുകടിയേറ്റത്. ഉടൻതന്നെ സമീപത്തുള്ള ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം പോസ്റ്റ്‌മോർട്ടം നടപടികൾക്ക് ശേഷം ബന്ധുക്കൾക്ക് വിട്ടുനൽകും.

അതേസമയം, എറണാകുളം ചെറായിയിലെ റിസോർട്ടിൽ വെച്ച് പാമ്പുകടിയേറ്റ കോയമ്പത്തൂർ സ്വദേശിനി ശർമിള അപകടനില തരണം ചെയ്തു. മാഞ്ഞാലിയിലെ സ്വകാര്യ ആശുപത്രിയിൽ ചികിത്സയിൽ കഴിയുന്ന ഇവരുടെ ആരോഗ്യനില തൃപ്തികരമാണെന്ന് അധികൃതർ അറിയിച്ചു. സംസ്ഥാനത്തിന്റെ വിവിധ ഭാഗങ്ങളിൽ വേനൽ കടുത്തതോടെ പാമ്പ് ശല്യം രൂക്ഷമാകുന്നത് ജനങ്ങൾക്കിടയിൽ ആശങ്ക വർധിപ്പിക്കുന്നുണ്ട്.

A 75-year-old woman, identified as Vishalakshi, died after being bitten by a snake at her residence in Kanjar, Idukki. Though she was rushed to the hospital immediately after the incident, her life could not be saved.