ബമാകോ: പശ്ചിമാഫ്രിക്കന്‍ രാജ്യമായ മാലിയില്‍ ഭീകരാക്രമണം. സൈനിക താവളത്തിന് നേരെയുണ്ടായ ഭീകരാക്രമണത്തില്‍ പ്രതിരോധ മന്ത്രി സാദിയോ കമാര കൊല്ലപ്പെട്ടതായി റിപ്പോര്‍ട്ട്. തലസ്ഥാനമായ ബമാകോക്ക് സമീപമുള്ള പ്രധാന സൈനിക കേന്ദ്രമായ കാത്തിയിലെ വസതിക്ക് നേരെയായിരുന്നു ആക്രമണം. അല്‍ ഖാഇദ ബന്ധമുള്ള ഭീകരസംഘടനയുടെ ആക്രമണം നടന്നതെന്നാണ് റിപ്പോര്‍ട്ട്.

സാദിയോ കമാര കൊല്ലപ്പെട്ടതായി ബന്ധുക്കള്‍ സ്ഥിരീകരിച്ചിട്ടുണ്ട്. ഫ്രഞ്ച് റേഡിയോയായ ആര്‍.എഫ്.ഐയും ഇക്കാര്യം റിപ്പോര്‍ട്ട് ചെയ്തു. എന്നാല്‍ മാലി സര്‍ക്കാര്‍ ഔദ്യോഗികമായി പ്രതികരിച്ചിട്ടില്ല. അല്‍ ഖാഇദയുമായി ബന്ധമുള്ള ജെ.എന്‍.ഐ.എം, ടുവാരെഗ് വിമത ഗ്രൂപ്പായ എഫ്.എല്‍.എ (FLA)  എന്നിവര്‍ ചേര്‍ന്ന് സംയുക്തമായാണ് ആക്രമണം നടത്തിയതെന്നാണ് റിപ്പോര്‍ട്ട്.  മുമ്പ് വിമതരുടെ കോട്ടയായിരുന്ന കിദാല്‍ നഗരം തങ്ങള്‍ തിരിച്ചുപിടിച്ചതായി എഫ്.എല്‍.എ അവകാശപ്പെട്ടു.

ALSO READ: എങ്ങുമെത്താതെ വെടിനിര്‍ത്തല്‍ ചര്‍ച്ചകള്‍; പിടിവിട്ട് കുതിച്ച് ക്രൂഡ് ഓയില്‍ വില, ബാരലിന് 110 ഡോളറിലേക്ക്

കാത്തിയിലെ സൈനിക താവളത്തിന് പുറമേ ബമാകോ വിമാനത്താവളം, മോപ്തി, സെവാരെ, ഗാവോ തുടങ്ങിയ തന്ത്രപ്രധാന മേഖലകളിലും ഒരേസമയം ആക്രമണമുണ്ടായി. സമീപകാലത്ത് മാലി നേരിട്ട ഏറ്റവും വലിയ ഏകോപിത ഭീകരാക്രമണമാണിതെന്ന് നയതന്ത്രജ്ഞര്‍ ചൂണ്ടിക്കാട്ടി. 
ആക്രമണത്തെ പ്രതിരോധിക്കാന്‍ റഷ്യന്‍ കൂലിപ്പടയാളികളായ ആഫ്രിക്ക കോര്‍പ്‌സ് (മുന്‍ വാഗ്‌നര്‍ ഗ്രൂപ്പ്) ശ്രമിച്ചെങ്കിലും പലര്‍ക്കും പരുക്കേറ്റതായി റഷ്യന്‍ സ്റ്റേറ്റ് മീഡിയ റിപ്പോര്‍ട്ട് ചെയ്തു.

ALSO READ: ഗസ്സയിലേക്ക് യു.എ.ഇയുടെ 100 ടണ്‍ ഭക്ഷ്യവസ്തുക്കള്‍ കൂടി

മാലിയിലെ സൈനിക ഭരണകൂടത്തിന്റെ കരുത്തനായ നേതാവായിരുന്ന സാദിയോ കമാര റഷ്യയുമായുള്ള സൈനിക സഹകരണത്തിന്റെ മുഖ്യ സൂത്രധാരന്‍ കൂടിയായിരുന്നു. 2020-21 അട്ടിമറികള്‍ക്ക് ശേഷം പടിഞ്ഞാറന്‍ രാജ്യങ്ങളെ പുറന്തള്ളി റഷ്യയുമായി അടുക്കാന്‍ മാലിയെ പ്രേരിപ്പിച്ചതും  കമാരയായിരുന്നു. 

mali terror attack claims the life of the defense minister in a shocking incident. latest updates, background, and global reactions to the attack.