തിരുവനന്തപുരം: തിരുവനന്തപുരം മെഡിക്കല്‍ കോളജ് ആശുപത്രിയില്‍ സ്‌കാനിങ് പിഴവെന്ന് പരാതി. വൃക്കയില്‍ കല്ലിന് ചികിത്സ തേടിയെത്തിയ യുവാവിന് ഗര്‍ഭപാത്രമുണ്ടെന്നാണ് സ്‌കാനിങ് റിപ്പോര്‍ട്ട് ലഭിച്ചത്. കഴക്കൂട്ടം സ്വദേശി 24കാരനായ ഷിഹാസിനാണ് ദുരനുഭവമുണ്ടായത്. 

ഫെബ്രുവരിയിലായിരുന്നു സ്‌കാനിങ് നടത്തിയത്. മറ്റൊരു ആശുപത്രിയില്‍ ചികിത്സ തേടിയപ്പോഴാണ് സ്‌കാനിങ്ങിലെ പിഴവ് പുറത്തറിഞ്ഞത്. ഇതേതുടര്‍ന്ന് മെഡിക്കല്‍ കോളജില്‍ തിരിച്ചെത്തി കാര്യം ചോദിച്ചപ്പോള്‍ അധികൃതര്‍ ഒഴിഞ്ഞുമാറി. പിന്നാലെ ബഹളം വെച്ചപ്പോള്‍ പുതിയ റിപ്പോര്‍ട്ട് നല്‍കുകയും ചെയ്തു.

ALSO READ: ക്രിക്കറ്റ് കളിക്കിടെ പന്തെടുക്കാന്‍ പോയി; തിരുവനന്തപുരത്ത് 15കാരന് പാമ്പ് കടിയേറ്റു 

സംഭവത്തില്‍ മെഡിക്കല്‍ കോളജ് സൂപ്രണ്ടിനും മെഡിക്കല്‍ കോളജ് പൊലിസ് സ്റ്റേഷനിലും ഷിഹാസ് പരാതി നല്‍കിയിട്ടുണ്ട്. അതേസമയം, സംഭവിച്ചത് പ്രിന്റിങ്ങില്‍ വന്ന പിശകാണെന്നാണ് മെഡിക്കല്‍ കോളജ് അധികൃതരുടെ വിശദീകരണം. 

A complaint has been raised about a scanning error at Thiruvananthapuram Medical College Hospital. A 24-year-old man named Shihas, a resident of Kazhakkoottam, who sought treatment for kidney stones, received a scan report stating that he had a uterus.