ന്യൂഡല്‍ഹി: പശ്ചിമേഷ്യന്‍ സംഘര്‍ഷം കാരണം ഇന്ധനവില ഉയര്‍ന്നതോടെ പ്രവര്‍ത്തനം നിര്‍ത്തിവെക്കേണ്ടുന്ന അവസ്ഥയിലാണെന്ന് ചൂണ്ടിക്കാട്ടി കേന്ദ്രസര്‍ക്കാരിന് വിമാനക്കമ്പനികളുടെ കത്ത്. വിമാന ഇന്ധനത്തിന്റെ വില കുറച്ചില്ലെങ്കില്‍ പ്രവര്‍ത്തനം നിര്‍ത്തിവെക്കേണ്ടിവരുമെന്നാണ് ഫെഡറേഷന്‍ ഓഫ് ഇന്ത്യന്‍ എയര്‍ലൈന്‍സ് കേന്ദ്ര വ്യോമയാന മന്ത്രാലയത്തിന് അയച്ച കത്തില്‍ പറയുന്നത്. 

യുദ്ധത്തിനു പിന്നാലെ ഉയര്‍ന്ന ഇന്ധനവില, വിമാനക്കമ്പനികളുടെ ചെലവില്‍ 40 ശതമാനത്തിന്റെ വര്‍ധനവാണ് ഉണ്ടാക്കിയത്. സര്‍ക്കാരിന്റെ ഭാഗത്ത് നിന്ന് ഉടന്‍ ഇടപെടലുണ്ടായില്ലെങ്കില്‍ കമ്പനികള്‍ അടച്ചുപൂട്ടേണ്ടുന്ന സ്ഥിതിയുണ്ടാവും. ആഭ്യന്തര,അന്താരാഷ്ട്ര സര്‍വീസുകള്‍ക്ക് വ്യത്യസ്ത വിലയേര്‍പ്പെടുത്തുന്നതും ആനുപാതികമല്ലാത്ത രീതിയില്‍ ഇന്ധനവില ഉയര്‍ത്തുന്നതും എയര്‍ലൈനുകളെ വലിയ നഷ്ടത്തിലേക്ക് തള്ളിവിടുമെന്നും എഫ്.ഐ.എ കത്തില്‍ പറയുന്നു. എയര്‍ഇന്ത്യ, ഇന്‍ഡിഗോ, സ്‌പൈസ് ജെറ്റ് തുടങ്ങിയ കമ്പനികളെയാണ് എഫ്.ഐ.എ പ്രതിനിധീകരിക്കുന്നത്. 

ഈ സാഹചര്യം അതീജിവിക്കാനും പ്രവര്‍ത്തനം തടസ്സമില്ലാതെ തുടരാനും അടിയന്തരമായി സാമ്പത്തിക സഹായം ആവശ്യമുണ്ടെന്നും കത്തില്‍ പറയുന്നു. 

ദീര്‍ഘദൂര റൂട്ടുകളില്‍ സര്‍വീസ് നടത്തുന്ന വിമാനങ്ങളെയാണ് ഇത് ഏറ്റവും കൂടുതല്‍ ബാധിക്കുന്നത്.ആഭ്യന്തര, അന്തര്‍ദേശീയ സര്‍വീസുകളില്‍ ഏകീകൃതമായ ഒരു ഇന്ധന വിലനിര്‍ണ്ണയ രീതി (നേരത്തെ ക്രാക്ക് ബാന്‍ഡ് നിലവിലുണ്ടായിരുന്നതുപോലെ ) കൊണ്ടുവരണമെന്നും കമ്പനികള്‍ ആവശ്യപ്പെട്ടു. ക്രൂഡ് ഓയിലിന്റെയും റിഫൈന്‍ഡ്‌വിമാന ഇന്ധനത്തിന്റെ വിലയില്‍ വലിയ അന്തരമില്ലാതെ നിലനിര്‍ത്തുന്നതിനുള്ള സംവിധാനമാണ് ക്രാക്ക് ബാന്‍ഡ്. വിമാന ഇന്ധനത്തിന് ചുമത്തുന്ന 11 ശതമാനം എക്‌സൈസ് നികുതിയും താല്‍ക്കാലത്തേക്ക് ഒഴിവാക്കണമെന്നും കത്തില്‍ ആവശ്യപ്പെട്ടു.

The Federation of Indian Airlines (FIA), representing major carriers like Air India, IndiGo, and SpiceJet, has sent an urgent SOS to the Ministry of Civil Aviation, warning that the industry is "on the verge of closing down or stopping operations."