കൊച്ചി: സംസ്ഥാനത്ത് സ്വര്‍ണവിലയില്‍ ഇന്ന് ഇടിവ്. പവന് 320 രൂപയാണ് ഇന്ന് കുറഞ്ഞത്. പശ്ചിമേഷ്യയില്‍ സംഘര്‍ഷം തുടരുന്നത് അടക്കമുള്ള വിഷയങ്ങളാണ് സ്വര്‍ണവിലയില്‍ പ്രതിഫലിക്കുന്നതെന്ന് നിരീക്ഷകര്‍ പറയുന്നു.  ഇറാനുമായുള്ള വെടിനിര്‍ത്തല്‍ അമേരിക്ക നീട്ടിയെങ്കിലും സമാധാന ചര്‍ച്ചകളിലെ അനിശ്ചിതത്വം വിപണിയെ ബാധിച്ചിട്ടുണ്ട്. ഹോര്‍മുസ് കടലിടുക്കിലെ തുടര്‍ച്ചയായ തടസ്സങ്ങള്‍ ആഗോള വിപണിയില്‍ എണ്ണവില ഉയര്‍ന്ന് നില്‍ക്കാനും കാരണമായിരിക്കുന്നു. ഇന്ത്യ മുഖ്യമായി ആശ്രയിക്കുന്ന ബ്രെന്‍ഡ് ക്രൂഡിന്റെ വില ബാരലിന് 113 ഡോളറിന് മുകളിലാണ്.

ALSO READ: ദുബൈ ഗ്ലോബല്‍ വില്ലേജില്‍ 30 ദിര്‍ഹത്തിന് 4 ടിക്കറ്റുകള്‍ | Global Village Offer

ഇന്നത്തെ വില
22 കാരറ്റ് സ്വര്‍ണത്തിന് ഗ്രാമിന് 40 രൂപയാണ് കുറഞ്ഞത്. പവന് 320 രൂപയും ഇടിഞ്ഞു. ഇതോടെ 22 കാരറ്റ് സ്വര്‍ണം ഗ്രാമിന് 13,675 രൂപയിലും പവന് 1,09,400 രൂപയിലുമെത്തി. 

24 കാരറ്റ്
ഗ്രാമിന് 44 രൂപ കുറഞ്ഞ് 14,918
പവന് 352 രൂപ കുറഞ്ഞ് 1,19,344

22 കാരറ്റ്
ഗ്രാമിന് 40 രൂപ കുറഞ്ഞ് 13,675
പവന് 320 രൂപ കുറഞ്ഞ് 1,09,400

18 കാരറ്റ്
ഗ്രാമിന് 33 രൂപ കുറഞ്ഞ് 11,189
പവന് 264 രൂപ കുറഞ്ഞ് 89,512

ജനുവരി 29ന് രേഖപ്പെടുത്തിയ 1,31,160 രൂപയാണ് സ്വര്‍ണ വിലയിലെ ഇതുവരെയുള്ള റെക്കോര്‍ഡ്. ഡിസംബര്‍ 23നാണ് പവന്‍ വില ആദ്യമായി ഒരു ലക്ഷം കടക്കുന്നത്.

gold rates fall sharply today, hitting the lowest price recorded this month amid market fluctuations