ലഖ്‌നൗ: ഉത്തര്‍പ്രദേശിലെ ഹാമിര്‍പൂര്‍ ജില്ലയില്‍ യമുന നദിയില്‍ ബോട്ട് മുങ്ങിയുണ്ടായ അപകടത്തില്‍ മൂന്നുപേര്‍ മരിച്ചു. മൂന്നുപേരെ കാണാതായി. ഇവര്‍ക്കായി തിരച്ചില്‍ തുടരുകയാണ്. 

ബുധനാഴ്ച്ച വൈകുന്നേരമായിരുന്നു അപകടം. ഒമ്പത് യാത്രക്കാരാണ് ബോട്ടിലുണ്ടായിരുന്നത്. അപകടത്തിന് പിന്നാലെ മൂന്നുപേര്‍ നീന്തി രക്ഷപ്പെടുകയായിരുന്നു. ഒരു സ്ത്രീയുടെയും, രണ്ട് കുട്ടികളുടെയും മൃതദേഹമാണ് കണ്ടെത്തിയത്. മൂന്ന് കുട്ടികളെയാണ് ഇനി കണ്ടെത്താനുള്ളത്. എന്‍ഡിആര്‍എഫ്, എസ്ഡിആര്‍എഫ് സംഘങ്ങള്‍ തിരച്ചില്‍ ആരംഭിച്ചു.