പത്തനംതിട്ട: പത്തനംതിട്ട വാര്യാപുരത്ത് ആംബുലൻസ് തലകീഴായി മറിഞ്ഞ് ഒരാൾക്ക് ദാരുണാന്ത്യം. രോഗിയുമായി ആശുപത്രിയിലേക്ക് പോകുകയായിരുന്ന ആംബുലൻസാണ് അപകടത്തിൽപ്പെട്ടത്. സംഭവത്തിൽ പുള്ളിനിൽക്കുന്നതിൽ വീട്ടിൽ റെജി (50) ആണ് മരിച്ചത്. 

ALSO READ: മാതൃകയായി ചാണ്ടി ഉമ്മൻ; തെരഞ്ഞെടുപ്പ് പ്രചാരണ ചെലവിൽ ലാഭിച്ചത് 79 ലക്ഷം രൂപ; തുക ജനങ്ങളുടെ ക്ഷേമത്തിനായി വിനിയോഗിക്കും

അപകടത്തിൽ ആംബുലൻസിനുള്ളിൽ കുടുങ്ങിയ രോഗിയെയും ഒപ്പമുണ്ടായിരുന്ന രണ്ട് പേരെയും ഫയർഫോഴ്സ് എത്തിയാണ് വാഹനത്തിനുള്ളിൽ നിന്ന് പുറത്തെടുത്തത്. ആംബുലൻസ് ഇടിച്ച് മറ്റൊരാൾക്കും പരുക്കേറ്റിട്ടുണ്ട്. ആംബുലൻസിന്റെ സ്റ്റിയറിങ് തകരാറാണ് അപകടത്തിന്റെ കാരണമെന്നാണ് പ്രാഥമിക നിഗമനം.