കൊച്ചി: ഹോട്ടല്‍ ഭക്ഷണത്തിന് ഇനി തീ വില. വാണിജ്യ സിലിണ്ടറുകളുടെ വില കുത്തനെ കൂട്ടിയതോടെ കേരളത്തിലെ ഹോട്ടലുകളില്‍ ഭക്ഷണസാധനങ്ങള്‍ക്ക് വന്‍ വില വര്‍ധന. പാചകവാതകത്തിന് അമിതവില നല്‍കേണ്ടി വരുന്നത് സാധാരണക്കാരുടെ വയറ്റത്തടിക്കുന്ന തീരുമാനങ്ങളിലേക്ക് ഹോട്ടലുടമകളെ എത്തിച്ചിരിക്കുകയാണ്. പ്രധാന വിഭവങ്ങള്‍ക്കെല്ലാം ശരാശരി 4 രൂപ മുതല്‍ 30 രൂപ വരെയാണ് വര്‍ധിപ്പിച്ചിരിക്കുന്നത്.

പുതുക്കിയ നിരക്കുകള്‍ ഏകദേശ കണക്കില്‍ 

 ചായ- 12 രൂപയില്‍ നിന്നും 16 രൂപയായി ഉയര്‍ന്നു.  ഊണ്- 90 രൂപയ്ക്ക് ലഭിച്ചിരുന്ന ഊണിന് പലയിടത്തും ഇപ്പോള്‍ 120 രൂപ വരെ നല്‍കണം.

മാംസ വിഭവങ്ങള്‍- ചിക്കന്‍, ബീഫ്, മീന്‍ കറികള്‍ക്കും വിലയില്‍ നേരിയ വര്‍ധനവുണ്ട്. പൊറോട്ട, ചപ്പാത്തി- ഇവയുടെ വില നേരത്തെ കൂട്ടിയതിനാല്‍ നിലവില്‍ മാറ്റം വന്നിട്ടില്ല.

വാണിജ്യ സിലിണ്ടറിന്റെ വില ഒറ്റയടിക്ക് 993 രൂപ വര്‍ധിപ്പിച്ചതാണ് ഈ പ്രതിസന്ധിക്ക് പ്രധാന കാരണം. നിലവില്‍ 19 കിലോ സിലിണ്ടറിന് 3,085 രൂപയാണ് വില. ഇത്രയും വലിയ തുക നല്‍കി സിലിണ്ടറുകള്‍ വാങ്ങി ഹോട്ടല്‍ നടത്തുക അസാധ്യമാണെന്നും സര്‍ക്കാര്‍ ഇടപെട്ടില്ലെങ്കില്‍ വരും ദിവസങ്ങളില്‍ കൂടുതല്‍ ഹോട്ടലുകള്‍ വില കൂട്ടാന്‍ നിര്‍ബന്ധിതരാകുമെന്നും ഉടമകള്‍ വ്യക്തമാക്കുന്നു.

The steep increase in commercial LPG cylinder prices has led to a significant rise in food costs across hotels in Kerala, with meal prices jumping by up to ₹30.