കൊച്ചി: സപ്ലൈകോ വഴി വിതരണം ചെയ്യുന്ന ജനപ്രിയ അരിയുടെ വില വര്‍ധിപ്പിച്ചു. കിലോ ഗ്രാമിന് രണ്ട് രൂപയാണ് കൂട്ടിയിരിക്കുന്നത്. ഇതോടെ മുന്‍പ് 25 രൂപയ്ക്ക് ലഭിച്ചിരുന്ന 20 കിലോ അരിയുടെ പാക്കറ്റിന് ഇനി മുതല്‍ 27 രൂപ നല്‍കേണ്ടി വരും.

എഫ്.സി.ഐ നല്‍കുന്ന അരിയുടെ വിലയില്‍ വന്ന മാറ്റമാണ് സപ്ലൈകോയിലെ ഈ വിലക്കയറ്റത്തിന് പ്രധാന കാരണമായി ചൂണ്ടിക്കാട്ടുന്നത്. കഴിഞ്ഞ മാസം 22.50 രൂപയ്ക്ക് ലഭിച്ചിരുന്ന അരിക്ക് ഈ മാസം 23.25 രൂപയായി ഉയര്‍ന്നു. എഫ്.സി.ഐ നിരക്കില്‍ 75 പൈസയുടെ വര്‍ധനയാണ് ഉണ്ടായതെങ്കിലും സപ്ലൈകോ രണ്ട് രൂപയാണ് വര്‍ധിപ്പിച്ചത്. 

പ്രവര്‍ത്തന ചെലവുകള്‍ വര്‍ധിച്ചതും ദീര്‍ഘകാലത്തിന് ശേഷം നിരക്ക് പരിഷ്‌കരിച്ചതുമാണ് ഈ തീരുമാനത്തിന് പിന്നിലെന്ന് അധികൃതര്‍ വിശദീകരിക്കുന്നു. നിലവില്‍ ഓരോ മാസത്തേക്കുമുള്ള സ്റ്റോക്ക് മാത്രമാണ് സംസ്ഥാനം എഫ്.സി.ഐയില്‍ നിന്ന് കൈപ്പറ്റുന്നത്.

 The price of subsidized rice distributed through Supplyco has been increased by ₹2 per kg due to rising procurement costs from the FCI.