കോഴിക്കോട്: പേരാമ്പ്ര വെള്ളിയൂരിൽ സ്വകാര്യ ബസും ടാങ്കർ ലോറിയും തമ്മിൽ കൂട്ടിയിടിച്ച് അപകടം. ശനിയാഴ്ച ഉച്ചകഴിഞ്ഞ് 2.45-ഓടെ നടന്ന സംഭവത്തിൽ നിരവധി പേർക്ക് പരുക്കേറ്റു. കോഴിക്കോട് - കുറ്റ്യാടി റൂട്ടിലോടുന്ന 'അജ്ഫാൻ' ബസും ഹിന്ദുസ്ഥാൻ പെട്രോളിയത്തിന്റെ ടാങ്കർ ലോറിയുമാണ് കൂട്ടിയിടിച്ചത്. 

ഇടിയുടെ ആഘാതത്തിൽ ബസിന്റെയും ടാങ്കറിന്റെയും മുൻഭാ​ഗം പൂർണമായും തകർന്നു. വാഹനങ്ങൾക്കുള്ളിൽ കുടുങ്ങിയ ടാങ്കർ ലോറി ഡ്രൈവറെയും ബസിലുണ്ടായിരുന്ന ഒരു സ്ത്രീയെയും വാഹനം വെട്ടിപ്പൊളിച്ചാണ് പുറത്തെടുത്തത്. നാട്ടുകാരും പൊലിസും അഗ്നിശമനസേനയും ചേർന്ന് പരുക്കേറ്റവരെ ആശുപത്രിയിലെത്തിച്ചു. അതേസമയം, അപകടത്തിന് പിന്നാലെ ബസ് ഡ്രൈവർ സംഭവസ്ഥലത്തുനിന്ന് ഓടിരക്ഷപ്പെട്ടതായി നാട്ടുകാർ പറയുന്നുന്നു. മുഖത്ത് പരുക്കേറ്റ ഇയാൾ പിന്നീട് ചികിത്സ തേടിയതായാണ് വിവരം.

ALSO READ: ബെംഗളൂരുവിൽ മോദിയുടെ സന്ദർശന വേദിക്ക് സമീപത്ത് നിന്ന് സ്ഫോടകവസ്തുക്കൾ കണ്ടെടുത്തു; ഒരാൾ കസ്റ്റഡിയിൽ

മാനസ (62), നജ (21), അതുല്യ (25), പ്രകാശൻ (55), അജിത്ത് (22), നിഖിൽ (18), പത്മിനി (65), ആതിര (28), സുനില (46), ഗീത (49), സുജിത (43), സജിത (44), ചന്ദ്രൻ (64) തുടങ്ങി പരുക്കേറ്റ 22 പേരെ വിവിധ ആശുപത്രികളിൽ പ്രവേശിപ്പിച്ചു.