ചെന്നൈ: ഐപിഎല്ലിൽ ലഖ്നൗ സൂപ്പർ ജയന്റ്സിനെതിരായ മത്സരത്തിൽ ചെന്നൈ സൂപ്പർ കിങ്സിന് വിജയം. സ്വന്തം തട്ടകത്തിൽ നടന്ന മത്സരത്തിൽ 5 വിക്കറ്റിനാണ് ചെന്നൈ ലഖ്നൗവിനെ പരാജയപ്പെടുത്തിയത്. ടോസ് നഷ്‌ടപ്പെട്ട് ബാറ്റിംഗിനിറങ്ങിയ ലഖ്നൗ ഉയർത്തിയ 203 റൺസ് വിജയലക്ഷ്യം ചെന്നൈ 19.2 ഓവറിൽ അഞ്ച് വിക്കറ്റ് നഷ്ടത്തിൽ മറികടന്നു. ഈ വിജയത്തോടെ പോയിന്റ് പട്ടികയിൽ രാജസ്ഥാനെ പിന്തള്ളി അഞ്ചാം സ്ഥാനത്തേക്ക് കയറാനും ചെന്നൈക്ക് സാധിച്ചു.

ലഖ്നൗവിനായി ജോഷ് ഇം​ഗ്ലിസ് അർധസെഞ്ചുറി നേടി തിളങ്ങി. 33 പന്തിൽ 85 റൺസാണ് ഇം​ഗ്ലിസ് അടിച്ചെടുത്തത്. ഇതിൽ 10 ഫോറും 6 സിക്സും ഉൾപ്പെടും. ഇം​ഗ്ലിസിനെ കൂടാതെ 25 പന്തിൽ 43 റൺസെടുത്ത ഷഹബാസ് അഹമ്മദും ലഖ്നൗവിനായി തിളങ്ങി. ചെന്നൈക്കായി ജെയ്മി ഓവർടൺ 4 ഓവറിൽ 36 റൺസ് വിട്ടുകൊടുത്ത് 3 വിക്കറ്റ് സ്വന്തമാക്കി. ജെയ്മിസണെ കൂടാതെ അൻഷൂൽ കാംബോജ് രണ്ടും, നൂർ അഹമ്മ് ഒരു വിക്കറ്റും സ്വന്തമാക്കി. 

ALSO READ: ഏഷ്യൻ കപ്പിൽ യുഎഇക്ക് എതിരാളികളായി കരുത്തരായ കൊറിയയും വിയറ്റ്നാമും; ഒമാനും കുവൈത്തും സഊദിക്കൊപ്പം ​ഗ്രൂപ്പ് എയിൽ

അതേസമയം, മറുപടി ബാറ്റിങ്ങിൽ ചെന്നൈക്കായി യുവതാരം ഉർവിൽ പട്ടേൽ അർധ സെഞ്ചുറി നേടി. 23 പന്തിൽ 65 റൺസാണ് താരം അടിച്ചെടുത്തത്. എട്ട് സിക്സും രണ്ട് ഫോറും ഉൾപ്പെടുന്നതായിരുന്നു താരത്തിന്റെ ഇന്നിങ്ങ്സ്. കൂടാതെ 13 പന്തിൽ അർധസെഞ്ചുറി നേടി ഐപിഎല്ലിലെ ഏറ്റവും വേ​ഗമേറിയ അർധസെഞ്ചുറി എന്ന റെക്കോർഡിനൊപ്പമെത്താനും ഉർവിലിന് സാധിച്ചു. 

ഉർവിലിനെക്കൂടാതെ ക്യാപ്റ്റൻ റുതുരാജ് ​ഗെയ്ക്വാദ് 48 (28), സജ്ഞു സാംസൺ 28 (14) എന്നിവരും ചെന്നൈക്കായി തിളങ്ങി. ലഖ്നൗവിനായി ദി​ഗ്വേഷ് റാത്തിയും, ഷഹബാസ് അഹമ്മദും രണ്ട് വിക്കറ്റ് വീഴ്ത്തിയപ്പോൾ, ആവേശ് ഖാൻ ഒരു വിക്കറ്റ് സ്വന്തമാക്കി.

Chennai Super Kings secured a five-wicket victory over Lucknow Super Giants in their IPL clash at home. Chasing a target of 203 runs, Chennai reached the total in 19.2 overs with five wickets in hand. With the win, CSK moved up to fifth place in the points table, overtaking Rajasthan Royals.