ഡൽഹി: കോൺഗ്രസ് നേതാവ് സോണിയ ഗാന്ധിയെ ശസ്ത്രക്രിയക്കായി ഗുരുഗ്രാമിലെ സ്വകാര്യ ആശുപത്രിയിൽ പ്രവേശിപ്പിച്ചു. ഇന്ന് രാവിലെയാണ്  സോണിയ ഗാന്ധിയെ (79) ​ഗുരു​ഗ്രാമിലെ മേദാന്ത ആശുപത്രിയിൽ പ്രവേശിപ്പിച്ചത്. ചെറിയ ശസ്ത്രക്രിയയ്ക്കും തുടർപരിശോധനകൾക്കുമായാണ് പ്രവേശിപ്പിച്ചിരിക്കുന്നതെന്ന് പാർട്ടി വൃത്തങ്ങൾ അറിയിച്ചു.

ഈ വർഷം ഇത് മൂന്നാം തവണയാണ് സോണിയാ ​ഗാന്ധിയെ ആശുപത്രിയിൽ പ്രവേശിപ്പിക്കുന്നത്. സോണിയ ഗാന്ധിയുടെ ആരോഗ്യനിലയെക്കുറിച്ചുള്ള കൂടുതൽ വിവരങ്ങൾ പുറത്തുവിട്ടിട്ടില്ല. 

ALSO READ: 700 രൂപയുടെ ടിക്കറ്റിന് 380 രൂപ; വന്ദേഭാരതിൽ യാത്രക്കാരനുമായി വിലപേശിയ ടി.ടി.ഇ യെ സസ്പെൻഡ് ചെയ്ത് റെയിൽവേ

നേരത്തെ മാർച്ചിൽ ശാരീരിക അസ്വസ്ഥതകൾ അനുഭവപ്പെട്ടതിനെത്തുടർന്ന് സോണിയാ ​ഗാന്ധിയെ ഡൽഹിയിലെ സർ ഗംഗാറാം ആശുപത്രിയിൽ പ്രവേശിപ്പിരുന്നു. ഡൽഹിയിലെ ശൈത്യകാലാവസ്ഥയും, കടുത്ത മലിനീകരണവും മൂലമുണ്ടായ ആസ്ത്മ സംബന്ധമായ അസ്വസ്ഥതകളാലാണ് സോണിയ ഗാന്ധിയെ ആശുപത്രിയിൽ പ്രവേശിപ്പിച്ചതെന്ന് ഡോക്ടർമാർ വ്യക്തമാക്കിയിരുന്നു.