തിരുവനന്തപുരം: എസ്എസ്എല്‍സി പുനര്‍ മൂല്യനിര്‍ണയത്തിനും, സൂക്ഷ്മ പരിശോധനക്കും ഇന്നുമുതല്‍ അപേക്ഷിക്കാം. മെയ് 21 വരെ ഓണ്‍ലൈന്‍ അപേക്ഷകള്‍ സ്വീകരിക്കും. ജൂണ്‍ ആദ്യവാരത്തിലാണ് സേ പരീക്ഷ നിശ്ചയിച്ചിട്ടുള്ളത്. 

പരമാവധി മൂന്ന് വിഷയങ്ങള്‍ക്ക് വരെയാണ് സേ പരീക്ഷക്ക് അവസരം. ജൂണ്‍ അവസാനത്തോടെ ഫലം പ്രഖ്യാപിക്കും. വിജയിച്ചവരുടെ സര്‍ട്ടിഫിക്കറ്റുകള്‍ ഡിജി ലോക്കറില്‍ ലഭ്യമാക്കും. 

ഇത്തവണ സംസ്ഥാനത്തെ പത്താം ക്ലാസ് വിജയശതമാനം 99.07 ശതമാനമാണ്. 2025ല്‍ ഇത് 99.5 ശതമാനമായിരുന്നു. വിജയശതമാനത്തില്‍ 0.43 ശതമാനത്തിന്റെ കുറവുണ്ടായി. 

ALSO READ: കുടുംബശ്രീയില്‍ ജോലി വേണോ? 20,000 തുടക്ക ശമ്പളം; പ്ലസ് ടു കഴിഞ്ഞവര്‍ക്ക് അവസരം 

മുഴുവന്‍ വിഷയങ്ങള്‍ക്കും എ പ്ലസ് ലഭിച്ചവരുടെ എണ്ണത്തിലും കുറവുണ്ടായി. 2025 ല്‍ 61,449 പേര്‍ മുഴുവന്‍ എ പ്ലസ് നേടിയപ്പോള്‍ ഈ വര്‍ഷം 30,514 പേരാണ് ഫുള്‍ എ പ്ലസ് നേടിയത്. 

പുതുക്കിയ പാഠപുസ്തകവും ചോദ്യ പേപ്പറിന്റെ ഘടനയും മാറ്റിയായിരുന്നു ഇക്കുറി പരീക്ഷ. മുന്‍ ചോദ്യമാതൃകകള്‍ ഇല്ലാത്തതിനാല്‍ കുട്ടികളില്‍ ഇത് ആശയക്കുഴപ്പം ഉണ്ടാക്കിയിരുന്നു. പുതിയ മാറ്റം അധ്യാപകരിലും ആശങ്ക ഉയര്‍ത്തിയിരുന്നു. 

എ പ്ലസില്‍ മാത്രമല്ല, എ ഗ്രേഡിലും കുറവുണ്ടായിട്ടുണ്ട്. 53,686 വിദ്യാര്‍ഥികള്‍ക്കാണ് എല്ലാ വിഷയങ്ങള്‍ക്കും, എ ഗ്രേഡോ അതിന് മുകളിലോ ലഭിച്ചത്. 2025ല്‍ ഇത് 95,790 ആയിരുന്നു. 

കൂടുതല്‍ Education ഗ്രൂപ്പില്‍ ജോയിന്‍ ചെയ്യുക

applications for sslc revaluation and scrutiny can be submitted starting today