പാലക്കാട്: എറണാകുളം - തിരുവനന്തപുരം സെന്‍ട്രല്‍ - എറണാകുളം വഞ്ചിനാട് എക്‌സ്പ്രസിന് തിരുവനന്തപുരം പേട്ട സ്റ്റേഷനിലും കണ്ണൂര്‍ - തിരുവനന്തപുരം സെന്‍ട്രല്‍ - കണ്ണൂര്‍ ജനശതാബ്ദി എക്‌സ്പ്രസിന് ആലുവ സ്റ്റേഷനിലും സ്‌റ്റോപ്പ് അനുവദിച്ചു. മെയ് 22 മുതല്‍ ഈ പുതിയ ക്രമീകരണം നിലവില്‍ വരും. 

പേട്ടയില്‍ ആറുമാസത്തേക്കാണ് ഒരു മിനിറ്റ് താല്‍ക്കാലിക സ്റ്റോപ്പ് അനുവദിച്ചിരിക്കുന്നത്. ഇതുപ്രകാരം എറണാകുളത്തുനിന്ന് തിരുവനന്തപുരത്തേക്ക് പോകുന്ന ട്രെയിന്‍ രാവിലെ 9.30-ന് പേട്ടയില്‍ എത്തി 9.31-ന് പുറപ്പെടും. മടക്ക സര്‍വിസില്‍ തിരുവനന്തപുരത്തുനിന്നുള്ള വഞ്ചിനാട് എക്‌സ്പ്രസ് വൈകീട്ട് 5.50-ന് പേട്ടയില്‍ പ്രവേശിച്ച് 5.51-ന് യാത്ര തുടരും. 

ജനശതാബ്ദിക്ക് ആലുവയില്‍ രണ്ട് മിനിറ്റാണ് സ്റ്റോപ്പ് അനുവദിച്ചത്. കണ്ണൂരില്‍ നിന്നുള്ള ജനശതാബ്ദി എക്‌സ്പ്രസ് രാവിലെ 8.13-ന് തൃശൂരിലും, 8.48-ന് ആലുവയിലും, 9.30-ന് എറണാകുളം ടൗണിലും എത്തിച്ചേരും. തിരുവനന്തപുരത്തുനിന്നു തിരികെ പോകുന്ന ജനശതാബ്ദി എക്‌സ്പ്രസ് വൈകീട്ട് 7ന് എറണാകുളം ടൗണിലും, 7.19-ന് ആലുവയിലും, രാത്രി 8.18-ന് തൃശൂരിലും എത്തും. ഈ സ്റ്റേഷനുകളില്‍ യഥാക്രമം രണ്ട് മിനിറ്റ് വീതമാണ് സ്റ്റോപ്പ് അനുവദിച്ചിരിക്കുന്നത്. യാത്രക്കാരുടെ തിരക്കും സൗകര്യവും പരിഗണിച്ചാണ് ഈ തീരുമാനങ്ങളെന്ന് റെയില്‍വേ അധികൃതര്‍ അറിയിച്ചു.

Indian Railways has approved a new stop for the Vanchinad Express at Thiruvananthapuram Petta railway station and for the Janashatabdi Express at Aluva. The decision is expected to improve travel convenience for passengers in both regions and address long-standing demands from commuters.